नागपुर, 26 जनवरी : राष्ट्रिय स्वयंसेवक सङ्घका सरसङ्घचालक डा. मोहन भागवतले भने, स्वतन्त्रता औं समताको साथमा देशमा बन्धुत्वको भाव हुन आवश्यक छ। आपसी भाइचारा (बन्धु भाव)-ले नै गणतन्त्रलाई यशस्वी बनाउँछ।
नागपुरको महल क्षेत्रस्थित राष्ट्रिय स्वयंसेवक सङ्घ मुख्यालयमा गणतन्त्र दिवसको उपलक्ष्यमा राष्ट्रिय तिरङ्गा फहराएपछि आफ्नो सम्बोधनमा सरसङ्घचालक डा. भागवतले भने, भारतीय संविधान हाम्रो व्यवस्थाहरूको आधार हो। संविधानको प्रस्तावना, मार्गदर्शक तत्व, नागरिक कर्तव्य औ अधिकार यी चारैवटा चिजमा परिवर्तन हुन सक्दैन। डा. अम्बेडकरले हाम्रो संविधानमा लिबर्टी (स्वतन्त्रता) अनि इक्वालिटी (समानता)-को साथमा बन्धुत्व भाव (फेटरलिटी) शब्दलाई पनि समावेश गरेका थिए।
विदेशहरूमा यस्तो देखिएको छ, जहाँ स्वतन्त्रता हुन्छ त्यहाँ समानता हुँदैन। सरसङ्घचालकले भने, स्वतन्त्रता र समानतालाई एकसाथ राख्नको लागि बन्धुत्वको भाव हुन अत्यन्त आवश्यक छ। यो बन्धुत्वको भाव 22 जनवरीमा अयोध्यामा देखियो। यही भाव गणतन्त्र दिवसको अवसरमा पनि देखिएको छ।
डा. भागवतले भने, बन्धुत्वको भावले भारतको शक्ति जाग्छ। परिणामस्वरूप भारती मानिसहरूको कार्यको चमत्कार सम्पूर्ण विश्वले हेरिरहेको छ। आजभन्दा 40 वर्षअघि कसैले भन्थे, भारतले विश्वमा हरेक क्षेत्रमा आफ्नो शक्ति बढ़ायो भने सायदै कसैले विश्वास गर्दैनन्, तर भारतीय मानिसहरूको आपस्तको स्नेह अनि बन्धुत्व भावको कारणले सम्भव भयो।
यस अवसरमा सरसङ्घचालकले भने, राष्ट्रि झण्डाको गेरूवा रङ्ग त्यागको प्रतीक हो भने राष्ट्रिय झण्डामा अङ्कित धर्मचक्र गतिको प्रतीक हो। डा. भागवतले आह्वान गरे, यी प्रतीकहरूबाट प्रेरणा लिएर त्याग अनि अनुशासनलाई पालन गर्नुपर्छ।
