नयाँ दिल्ली, 28 फरवरी: प्रधानमन्त्री एवं भाजपाका वरिष्ठ नेता नरेन्द्र मोदीले बुधवार तमिलनाडूको तिरूनेलवेलीमा एक सार्वजनिक सभालाई सम्बोधित गरे। आफ्नो सम्बोधनमा उनले भने, राज्यका जनता भाजपालाई लिएऱ आशान्वित छ। भाजपाले संवेदनशीलता र सामाजिक न्यायको सकारात्मक राजनीतिलाई अघि बढ़ाएको छ। द्रमुक र कांग्रेसले केवल आफ्नो परिवारलाई अघि बढ़ाएको छ।
प्रधानमन्त्रीले तमिलनाडूका जनतालाई विश्वासमा लिँदै मानिसहरूको सेवा र विकासको कामहरूमा बाधा पुऱ्याउन दिइनेछैन। म हिन्दीमा बोलेपनि जनसभामा उपस्थित मानिसहरूले मेरो कुरा बुझिरहेका छन्। यसले राज्यका जनताले मलाई कतिको मन पराउँछन् यो दर्शाउँछ।
भाजपा नेताले आफ्नो भाषणमा कांग्रेस र द्रमुक दुवनैमाथि परिवारवादको मुद्दामाथि हमला गरे। उनले भने, एकातिर विकासमाथि केन्द्रित भाजपा सरकार छ, अर्कोतिर द्रमुक र कांग्रेसको एकमात्र प्राथमिकता हो उनीहरूको परिवार। यी परिवार-केन्द्रित पार्टीहरूसित तमिलनाडूको विकासको निम्ति कुनै योजना छैन।
प्रधानमन्त्रीले राज्यको द्रमुक सरकारमाथि केन्द्रको योजनाको श्रेय लिएको आरोप लगाए। द्रमुकले पहिले केन्द्रको पहलको नाम बदली गर्छ र फेरि त्यसलाई अपनाउँछ। पार्टीका नेताले भारतको प्रगति होस् भन्ने चाहँदैनन्।
उनले संसदमा राम मन्दिरको प्राण प्रतिष्ठामा संसदमा प्रस्तावको समय द्रमुक नेताहरू सदनदेखि बाहिर गएको मुद्दापनि उठाए औ भने, यस व्यवहारले द्रमुक नेता जनताको आस्थाको तिरस्कार गर्छन् भन्ने दर्शाउँछ। द्रमुक र कांग्रेसले देशलाई बाँड्नमा लागि परेका छन् जबकि भाजपा हरेक व्यक्तिलाई परिवारको सदस्य ठान्दछ।
यस अवधि प्रधानमन्त्रीले दक्षिण तमिलनाडूमा विकासको अभावको मुद्दा उठाए। उनले ‘मोदीको गारन्टी’ को रूपमा भाजपाले दक्षिणी तमिलनाडूको विकासलाई नयाँ गति दिने वाचा गरे। मानिसहरूलाई नौकरीको खोजीमा टाढ़ा जानपर्नेछैन। उनले देशको विकासमा तमिलनाडूको भूमिकालाई स्वीकार गर्दै भने, उनको सरकारले राज्यमा अधिक निवेश ल्याउने प्रयास गरिरहेछ। वन्दे भारतले तिरूनेलवेली र चेन्नईमा व्यापार र पर्यटनलाई सजिलो बनाएको छ। तमिलनाडूका विभिन्न क्षेत्रहरूमा सौर उर्जा परियोजनाहरू, टेक्सटाइल पार्क, बन्दरगाह बुनियादी ढांचाको स्थापनाका साथै अन्य विकासात्मक परियोजनाहरूलाई पूरा गर्नु जस्ता विकास सुनिश्चित गरिएको छ।
