बेगूसराय, 01 दिसम्बर (हि.स.)। केन्द्रिय ग्रामीण विकास औ पञ्चायती राजमन्त्री गिरिराज सिंहले बिहारको सीमाञ्चलमा द्रूत गतिमा बढ़्दै गइरहेका मस्जिद एवं अवैध मदरसाहरूमाथि तत्काल रोक लगाउने माग बिहार सरकार एवं मुख्यमन्त्रीसित गरेका छन्।
गिरिराज सिंहले शुक्रवार भने, बिहार सरकारले तत्काल मदरसाहरूमाथि रोक लगाओस्। सीमाञ्जलको अवस्थालाई हेर्दा यस्तो लाग्छ, न धर्म बच्नेछ न त धनै। बिहारमा मदरसाहरूको संख्या लगभग तीन हजार छ, यिनीहरू सबैको जाँच हुनुपर्छ। धार्मिक ब्रेनवाशको स्थानमा प्रगतिशील शिक्षा दिइनुपर्छ। बिहारमा अवैध मस्जिद एवं अवैध मदरसाहरूको बाढ़ी आएको छ भन्दै उनले अघि भने, बिहार बङ्गलादेश र नेपालको सीमासित टाँसिएको छ। यी सीमावर्ती क्षेत्रहरूमा झन् बढ़ी कब्जा भएको छ। यसले बिहार मात्र नभएर देशको आन्तरिक सुरक्षाक लागि पनि खतरा उत्पन्न गरिरहेको छ।
केन्द्रिय मन्त्रीले भने, पीएफआई बिहारमा धेरै सक्रिय छ, बिहारमा मुसलमानहरूको जनसंख्या 18 प्रतिशत छ। यी अवैध कब्जाहरूलाई बन्द गरेर मस्जिदहरूमा विज्ञाको पढ़ाई शुरू गरिनुपर्छ। बिहारका मुख्यमन्त्री नीतीश कुमारले तत्काल कारबाही गरेर यी अवैध मस्जिद एवं मदरसाहरूलाई बन्द गराउन्। भोटको लोभमा धेरै कुरा भइसकेको छ।
गिरिराज सिंहले भने, नीतीश कुमार अब बिहार सहित देशको आन्तरिक खतरामाथि विचार गर्नुहोस्। यदि यस्तो गरिएन भने आगामी दिनमा बिहारका मानिसहरूको धर्म, धन एवं संस्कृति खतरामा पर्नेछ। यसको लागि दोषी हुनेछन् नीतीश कुमार अनि लालू यादव। नीतीश कुमार तुष्टिकरणको यस निन्द्राबाट बिउँझिनुहोस् र देशलाई आन्तरिक खतरादेखि सुरक्षित बनाउनुहोस्।
हिन्दुस्थान समाचार/उष्णता
