गान्तोक, सिक्किममा विधानसभा र लोकसभा चुनाउको निम्ति शुक्रवार बिहान सात बजीदेखि मतदान शुरू भएको छ। राजधानीको चिन्तन भवनमा दिव्याङ्ग (पीडब्ल्युडी) मतदान अधिकारीहरूद्वारा व्यवस्थित मतदान केन्द्र स्थापित गरिएको छ। गान्तोक जिल्ला अन्तर्गत यस मतदान केन्द्रकी प्रिसाइडिङ अफिसर इन्द्र छेत्री हुन् र उनलाई पॉंच पीडब्ल्युडी मतदान अधिकारीहरूले सहयोग गरिरहेका छन्।
पीडब्ल्युडी प्रबन्धित मतदान केन्द्र सिक्किमका सबै निर्वाचन क्षेत्रहरूमा स्थापित नमूना मतदान केन्द्रहरू मध्ये एक हो। यी केन्द्रहरूमा निश्चित न्यूनतम सुविधाहरू जस्तै ताजा पेन्ट गरिएका पर्खालहरू, मतदान कर्मचारीहरू र मतदान एजेन्टहरूका लागि राम्रो-गुणस्तरको फर्निचरहरू सहितको राम्रो अवस्थाका भवनहरूबाट सुसज्जित छन्। पीडब्ल्युडी मतदाताहरूका लागि छुट्टै शौचालय, खानेपानी, छाया, र्याम्प र ह्वीलचेयरको पनि व्यवस्था गरिएको छ।
निश्चित न्यूनतम सुविधाहरू निर्वाचन प्रक्रियालाई सहज बनाउन उपलब्ध गराइएको छ। यसबाहेक, विभिन्न पृष्ठभूमिका व्यक्तिहरू जसले सक्रिय रूपमा मतदान केन्द्रको व्यवस्थापन गरिरहेका छन्, निर्वाचन प्रक्रियालाई थप पहुँचयोग्य र समावेशी बनाउँदै स्वतन्त्र र निष्पक्ष निर्वाचनको पवित्रता कायम राख्ने प्रयास प्रदर्शन गर्दछ।
