मुम्बई, 26 दिसम्बर (हि.स.)। फ्रान्समा मानव तस्करीको सन्देहमा रोकिएको विमान आज बिहान लगभग चार बजे मुम्बई आइपुग्यो। यो विमान स्थानीय समयानुसार अपरान्ह लगभग 2:30 बजे फ्रान्सको राजधानी पेरिस नजिक भ्याट्री हवाईअड्डाबाट उड़ेको थियो। यस आशयको जानकारी अधिकारीहरूले दिएका हुन्।
यो चार्टर विमान (एयरबस ए340) 276 जना यात्रीहरूलाई लिएर मङ्गलवार भोर बिहान मुम्बई हवाईअड्डामा अवतरण भयो। यो विमान विगत केही दिनदेखिकै फ्रान्समा फसेको थियो। दुई नाबालिक सहित 25 जना मानिसहरू फ्रान्समै बसेका छन्। यिनीहरूले फ्रान्ससित शरण मागेका थिए। उक्त विमान भ्याट्रीबाट मुम्बई तर्फ उड़ेपछि फ्रान्समा भारतीय दूतावासले एक्समा सो सूचना साझा गऱ्यो जसमा भनिएको छ, फ्रान्स सरकार अनि भ्याट्री एयरपोर्टले यस मामिलालाई चाँड़ै सुल्झाएकोमा धन्यवाद।
रोमानियाको लिजेण्ड एयरलाइन्सको ए 340 विमान दुबईबाट निकारागुआ तर्फ उड़ेको थियो। यो विमान तकनिकी खराबीको कारणले फ्रान्सको भ्याट्री एयरपोर्टमा अवतरण भएको थियो। यसै अवधि फ्रान्स सरकारलाई सूचना प्राप्त भएको थियो कि यस विमान मार्फत मानव तस्करी गरिँदैछ। त्यसपछि फ्रान्सले उक्त विमानलाई रोकेको थियो। गत आइतवार फ्रान्सका चारजना न्यायाधीशहरूले यस मामिलामाथि सुनवाई गरे। हिरासतमा लिइएका यात्रीहरूसित प्रश्न गरे।
हिन्दुस्थान समाचार/उष्णता
