मुंबई, 24 एप्रिल (हिं.स.)। भारतीय स्मार्टफोन कंपनी लावा इंटरनॅशनलने आपल्या लोकप्रिय लावा Bold N1 5G या स्मार्टफोनचा नवा व्हेरिएंट भारतीय बाजारात सादर केला आहे. यापूर्वी सप्टेंबर 2025 मध्ये लॉन्च झालेल्या या फोनला ग्राहकांचा चांगला प्रतिसाद मिळाल्यानंतर कंपनीने आता अधिक RAM आणि स्टोरेजसह अपडेटेड मॉडेल आणले आहे.
नवीन व्हेरिएंटमध्ये 6GB RAM आणि 128GB स्टोरेज देण्यात आले आहे. या व्हेरिएंटची किंमत 12,999 रुपये ठेवण्यात आली असली तरी लॉन्च ऑफर अंतर्गत ग्राहकांना हा फोन 11,999 रुपयांमध्ये खरेदी करता येणार आहे. या फोनला Champagne Gold आणि Royal Blue अशा आकर्षक रंगांमध्ये उपलब्ध करण्यात आले आहे. यापूर्वी कंपनीने 4GB RAM + 64GB स्टोरेज (7,499 रुपये) आणि 4GB RAM + 128GB स्टोरेज (7,999 रुपये) असे दोन व्हेरिएंट लॉन्च केले होते.
स्पेसिफिकेशन्सच्या बाबतीत पाहता, या फोनमध्ये 6.75 इंचाचा HD+ डिस्प्ले दिला आहे, जो 90Hz रिफ्रेश रेटसह येतो. 2.5D ग्लास प्रोटेक्शनमुळे स्क्रीन अधिक सुरक्षित बनवण्यात आली आहे आणि 20:9 असा अॅस्पेक्ट रेशियो दिला आहे. परफॉर्मन्ससाठी या फोनमध्ये Unisoc T765 ऑक्टा-कोर प्रोसेसर देण्यात आला असून तो 6GB पर्यंत RAM सपोर्ट करतो. याशिवाय वर्चुअल RAM फीचरमुळे एकूण RAM क्षमता 12GB पर्यंत वाढवता येते. स्टोरेजही 1TB पर्यंत वाढवण्याची सुविधा या फोनमध्ये देण्यात आली आहे.
फोटोग्राफीसाठी फोनच्या मागील बाजूस 13MP AI बेस्ड कॅमेरा देण्यात आला आहे, तर सेल्फी आणि व्हिडिओ कॉलिंगसाठी 5MP फ्रंट कॅमेरा उपलब्ध आहे. कनेक्टिव्हिटीसाठी 5G, Bluetooth, Wi-Fi आणि OTG यांसारखे पर्याय देण्यात आले आहेत. यासोबतच 5,000mAh ची दमदार बॅटरी दिली असून ती 10W फास्ट चार्जिंगला सपोर्ट करते.
—————
हिंदुस्थान समाचार / Suraj Chaugule
