कोलकाता, 07 फेब्रुवारी (हिं.स.)शिमरॉन हेटमायरची फलंदाजी आणि त्यानंतर रोमारियो शेफर्डच्या दमदार गोलंदाजीच्या जोरावर वेस्ट इंडिजने ग्रुप सी सामन्यात स्कॉटलंडचा ३५ धावांनी पराभव केला. वेस्ट इंडिजने आपल्या टी-२० विश्वचषक मोहिमेची सुरुवात विजयाने केली. विंडीजच्या शेफर्डने पहिल्याच सामन्यात हॅटट्रिक घेतली. प्रथम फलंदाजी करताना वेस्ट इंडिजने २० षटकांत पाच बाद १८२ धावा केल्या. प्रत्युत्तरात स्कॉटलंडचा संघ १८.५ षटकांत १४७ धावांवर आटोपला.
स्कॉटलंडकडून जॉर्ज मुन्से आणि मायकेल जोन्स यांनी डावाची सुरुवात केली. पण संघाची सुरुवात खराब झाली.स्कॉटलंडला पहिला धक्का बसला जेव्हा जोन्स पाच चेंडूंत एक धाव घेऊन बाद झाला.चांगल्या फॉर्ममध्ये असलेला ब्रेंडन मॅकमुलन नंतर १२ चेंडूंत १४ धावा करून पॅव्हेलियनमध्ये परतला. ज्यामध्ये एक चौकार आणि एक षटकाराचा समावेश होता. पॉवरप्लेमध्ये स्कॉटलंडला तिसरा धक्का बसला जेव्हा मुन्से १५ चेंडूत १९ धावा करून बाद झाला आणि त्याने तीन चौकार मारले. रिची बेरिंग्टन आणि टॉम ब्रूस यांनी चौथ्या विकेटसाठी चांगली भागीदारी केली आणि ४६ चेंडूत ७८ धावा जोडल्या. कर्णधार बेरिंग्टन बाद झाल्याने ही भागीदारी संपुष्टात आली. बेरिंग्टन २४ चेंडूत ४२ धावा करून बाद झाला. त्याने तीन चौकार आणि दोन षटकार मारले. त्यानंतर गुडाकेश मोतीने टॉम ब्रूसला बाद केले, जो २८ चेंडूत ३५ धावा करून बाद झाला, त्याने एक चौकार आणि दोन षटकार मारले. वेस्ट इंडिजकडून शेफर्डने पाच विकेट्स घेतल्या, तर जेसन होल्डरने तीन फंलदाजांना बाद केले. शमार जोसेफ आणि गुडाकेश मोतीने प्रत्येकी एकेक विकेट घेतली.
वेस्ट इंडिजकडून वेगवान गोलंदाज रोमारियो शेफर्डने टी२० विश्वचषकातील त्याच्या पहिल्या सामन्यात उत्कृष्ट कामगिरी करत हॅटट्रिक घेतली. १७ व्या षटकात गोलंदाजी करण्यासाठी आलेल्या शेफर्डने दुसऱ्या चेंडूवर क्रॉसला बाद केले. पुढच्या चेंडूवर त्याने लिआस्केला एकही धाव न देता बाद केले. चौथ्या चेंडूवर शेफर्डने ऑलिव्हर डेव्हिडसनला बाद केले आणि त्याची हॅटट्रिक पूर्ण केली. त्याच षटकाच्या शेवटच्या चेंडूवर शेफर्डने सैफियान शरीफला बाद केले, त्याने केवळ त्याची हॅटट्रिकच पूर्ण केली नाही तर एकाच षटकात चार विकेट्स घेतल्या.
ब्रेंडन किंग आणि शाई होप वेस्ट इंडिजकडून फलंदाजीसाठी आले. त्यांनी संघाला चांगली सुरुवात दिली आणि पॉवरप्लेपर्यंत स्कॉटलंडला कोणतेही यश मिळवण्यापासून रोखले. सहा षटकांच्या अखेरीस वेस्ट इंडिजने एकही बाद 33 धावा केल्या होत्या. तथापि, लिआस्केने होपला बाद करून वेस्ट इंडिजला पहिला धक्का दिला, जो 22 चेंडूत 19 धावांवर दोन चौकारांसह बाद झाला. ब्रेंडन देखील जास्त काळ क्रीजवर टिकू शकला नाही, त्याने 30 चेंडूत चार चौकार आणि एका षटकारासह 35 धावा केल्या. दोन विकेट्स पडल्यानंतर, शिमरॉन हेटमायर आणि रोवमन पॉवेलने डाव सावरला. हेटमायरने शानदार फलंदाजी केली आणि आक्रमक दृष्टिकोन दाखवला. हेटमायरने आपले अर्धशतक पूर्ण केले. हेटमायर आणि पॉवेलने तिसऱ्या विकेटसाठी ८१ धावांची भागीदारी केली. पण पॉवेलने आपली विकेट गमावली आणि १४ चेंडूत एका चौकार आणि दोन षटकारांच्या मदतीने २४ धावा काढून बाद झाला. आणि हेटमायर १९ व्या षटकात बाद झाला. हेटमायरने ३६ चेंडूत दोन चौकार आणि सहा षटकारांच्या मदतीने ६४ धावा केल्या. त्यानंतर शेरफेन रुदरफोर्ड १३ चेंडूत चार चौकार आणि एका षटकाराच्या मदतीने २६ धावा काढून पॅव्हेलियनमध्ये परतला. रोमारियो शेफर्ड सहा आणि मॅथ्यू फोर्ड एका धावेवर नाबाद राहिला. स्कॉटलंडकडून ब्रॅड करीने दोन विकेट्स घेतल्या, तर सैफियान शरीफ, ऑलिव्हर डेव्हिडसन आणि मायकेल लीस्क यांना प्रत्येकी एक विकेट घेण्यात यश आलं.
—————
हिंदुस्थान समाचार / वृषाली देशपांडे
