એટલાન્ટા, નવી દિલ્હી,21 નવેમ્બર (હિ.સ.) કોપા અમેરિકા 2024ની ફાઇનલ મેચ મિયામીના હાર્ડ રોક સ્ટેડિયમમાં રમાશે. સાઉથ અમેરિકન ફૂટબોલ કોન્ફેડરેશન (કોનમબોલ) એ સોમવારે, ટુર્નામેન્ટની શરૂઆત અને અંતિમ મેચ માટેના સ્થળોની જાહેરાત કરી હતી.
વિશ્વની સૌથી જૂની રાષ્ટ્રીય ટીમ ટુર્નામેન્ટની 48મી આવૃત્તિ 20 જૂન 2024ના, રોજ એટલાન્ટાના મર્સિડીઝ-બેન્ઝ સ્ટેડિયમમાં શરૂ થશે અને 14 જુલાઈના રોજ મિયામીના હાર્ડ રોક સ્ટેડિયમમાં સમાપ્ત થશે.
પ્રારંભિક મેચ, 20 જૂન 2024 ના રોજ નિર્ધારિત, એટલાન્ટાના મર્સિડીઝ-બેન્ઝ સ્ટેડિયમ ખાતે રમાશે. જે 71,000 થી વધુ પ્રેક્ષકોની બેઠકો ધરાવતા વિશ્વ-કક્ષાનું સ્થળ છે.
ફાઈનલ મેચ 14 જુલાઈ 2024ના રોજ, મિયામી ગાર્ડન્સ, ફ્લોરિડામાં સ્થિત હાર્ડ રોક સ્ટેડિયમમાં રમાશે. વૈશ્વિક સ્થળ 65,300 થી વધુ પ્રશંસકો ધરાવે છે અને મિયામી ડોલ્ફિન્સ, ફોર્મ્યુલા 1 મિયામી ગ્રાન્ડ પ્રિકસ અને મિયામી ઓપન ટેનિસ ટુર્નામેન્ટનું આયોજન કરે છે.
અમે આશા રાખીએ છીએ કે, સ્ટેડિયમો એક અવિસ્મરણીય કોપા અમેરિકાની શરૂઆતની અને અંતિમ મેચો માટે, સમગ્ર અમેરિકન ખંડના જુસ્સાથી ભરેલા હશે. કોનમબોલ પ્રમુખ અને ફીફાના ઉપ-પ્રમુખ અલેજાન્ડ્રો ડોમિંગ્વેઝે એક નિવેદનમાં જણાવ્યું હતું.
કોપા અમેરિકા 2024માં 10 કોનમબોલ ટીમો અને કોનકાફાક તરફથી 6 મહેમાન ટીમો ભાગ લેશે.
ટૂર્નામેન્ટના ઈતિહાસમાં આ બીજી વખત બનશે, જ્યારે તે 16 ટીમોની યજમાની કરશે. યુનાઇટેડ સ્ટેટ્સમાં યોજાયેલી તેની 2016 ની આવૃત્તિમાં સમાન સંખ્યામાં ટીમોનું આયોજન કરવામાં આવ્યું હતું.
કોનકાફાકની 6 ટીમો 2023/24 કોનકાફાક નેશન્સ લીગ દ્વારા, ક્વોલિફાય થશે. ગ્રુપ સ્ટેજના સમાપન પછી, લીગ એ ના ગ્રુપ ચેમ્પિયન અને રનર્સ-અપ ક્વાર્ટર ફાઇનલમાં આગળ વધશે, જ્યાં તેઓ કોનકાફાક નેશન્સનાં ટોચના ચાર ફિનિશર્સ સાથે જોડી બનાવશે. આ ચાર ટીમો મેક્સિકો વિરુદ્ધ હોન્ડુરાસ દ્વારા નક્કી કરવામાં આવશે. યુનાઇટેડ સ્ટેટ્સ વિ. ત્રિનિદાદ અને ટોબેગો, કેનેડા વિ. જમૈકા અને કોસ્ટા રિકા વિ. પનામા ટીમો વચ્ચેની મેચના વિજેતા દ્વારા રમાશે.
ક્વાર્ટર-ફાઇનલ મેચો 16 થી 21 નવેમ્બર દરમિયાન રમાશે અને દરેક મેચના વિજેતા કોનમબોલ કોપા અમેરિકા 2024 માટે ક્વોલિફાય થશે. અન્ય બે કોનકાફાક સહભાગીઓ ક્વાર્ટર-ફાઇનલ હારનારાઓ વચ્ચેના પ્લે-ઇન પછી કન્ફર્મ કરવામાં આવશે. આ પ્લે-ઇન માર્ચ 2024માં થશે.
ટુર્નામેન્ટ શેડ્યૂલ અને અન્ય યજમાન સ્થળો જાહેર કરવામાં આવ્યા ન હતા. કોપા અમેરિકાનો ડ્રો 7 ડિસેમ્બરે મિયામીમાં યોજાશે.
હિન્દુસ્થાન સમાચાર / સુનીલ / માધવી
