નવી દિલ્હી, 13 જાન્યુઆરી (હિ.સ.) ફાસ્ટ બોલર પ્રસિદ્ધ કૃષ્ણને, શુક્રવારે અમદાવાદમાં ગુજરાત સામે કર્ણાટકની રણજી ટ્રોફી 2023-24 મેચના પ્રથમ દિવસે તેના ડાબા ક્વાડ્રિસેપ્સમાં ઈજા થઈ હતી અને બાદમાં તે ઈંગ્લેન્ડ સામેની પાંચ મેચની ઘરઆંગણેની શ્રેણીમાં પ્રથમ બે ટેસ્ટ માટે ભારતીય ટીમમાંથી બહાર થઈ ગયો હતો.
પ્રસિદ્ધ 14.5 ઓવર બોલિંગ કર્યા પછી મેદાનની બહાર નીકળી ગયો, જે દરમિયાન તેણે મનન હિંગરાજિયા અને સિદ્ધાર્થ દેસાઈની વિકેટ લીધી, કારણ કે કર્ણાટકે ગુજરાતને 88 ઓવરમાં 264 રન સુધી મર્યાદિત કર્યું.
કર્ણાટક ટીમના ફિઝિયો, હાલમાં પ્રસિદ્ધની સંભાળ લઈ રહ્યા છે, પરંતુ બીસીસીઆઈ દ્વારા કરારબદ્ધ ખેલાડી તરીકે તે ઈન્ડિયા એ સપોર્ટ સ્ટાફમાં પણ જોડાઈ શકે છે, જેઓ ઈંગ્લેન્ડ લાયન્સ સામેની બે દિવસીય મેચ માટે અમદાવાદમાં છે.
લમ્બર સ્ટ્રેસ ફ્રેક્ચરને કારણે લગભગ એક વર્ષ સુધી રમતમાંથી બહાર રહ્યા બાદ પ્રસિદ્ધ એ, ભારતના દક્ષિણ આફ્રિકાના તાજેતરના પ્રવાસ દરમિયાન ટેસ્ટ ડેબ્યૂ કર્યું હતું. પરંતુ દક્ષિણ આફ્રિકામાં તેનો સારો સમય રહ્યો ન હતો, જ્યાં ટેસ્ટ શ્રેણી 1-1થી ડ્રો થઈ હતી. તેણે બે ટેસ્ટ મેચમાં બે વિકેટ લીધી અને તેની સરેરાશ 65 હતી અને તે ટેસ્ટ શ્રેણીમાં 4.64ના ઈકોનોમી રેટ સાથે ભારતનો સૌથી મોંઘો બોલર હતો.
મોહમ્મદ શમી હજુ પણ આંતરરાષ્ટ્રીય સ્તરે રમવા માટે તૈયાર નથી, પ્રથમ બે ટેસ્ટ માટે ભારતીય ટીમમાં ઝડપી બોલર તરીકે મોહમ્મદ સિરાજ અને અવેશ ખાન છે.
પ્રથમ બે ટેસ્ટ હૈદરાબાદ (25-29 જાન્યુઆરી) અને વિશાખાપટ્ટનમ (2-6 ફેબ્રુઆરી)માં રમાશે, તે પહેલા ટીમો રાજકોટ (15-19 ફેબ્રુઆરી), રાંચી (23-27 ફેબ્રુઆરી) અને ધર્મશાલા (7-11 માર્ચ)માં રમશે.
હિન્દુસ્થાન સમાચાર/સુનીલ / ડો. હિતેશ
