– વડોદરા જિલ્લામાં 289 સ્થળોએ સફાઇ કરી 719 કિલો કચરાનો કરાયો નિકાલ
વડોદરા/અમદાવાદ,08 ડિસેમ્બર (હિ.સ.) વડોદરા જિલ્લામાં ચાલી રહેલા સ્વચ્છતા હી સેવા અભિયાન ઉત્સાહ સાથે ચલાવવામાં આવી રહ્યું છે. ગામેગામ વિવિધ જાહેર સ્થળોની સફાઇ કરવા માટે નાગરિકો પણ સ્વયંભૂ આ અભિયાનમાં જોડાઇ રહ્યા છે. આ અભિયાન હેઠળ જિલ્લામાં એક જ દિવસમાં 289 સ્થળોએ સફાઇ કામગીરી કરી 719 કિલો જેટલો કચરો એકત્ર કરી નિકાલ કરવામાં આવ્યો હતો.
સ્વચ્છતા હી સેવા અતર્ગત વડોદરા જિલ્લામાં ગામડાંઓમાં ખાનગી અને સરકારી હોસ્પિટલ, અર્બન હેલ્થ સેન્ટર, પ્રાથમિક અને સામુહિક આરોગ્ય કેન્દ્રોની સફાઈ કામગીરી હાથ ધરવામાં આવી છે.
જિલ્લા ગ્રામ વિકાસ એજન્સીના નિયામકે જણાવ્યું કે, મંગળવારના રોજ 289 સ્થળોએ થયેલી સફાઇ ઝૂંબેશમાં 1308 નાગરિકોએ પણ શ્રમદાન કર્યું હતું. તેમની સાથે 315 જેટલા સ્વચ્છતાકર્મીઓ પણ જોડાયા હતા.નાગરિકો આ લોકહિતની પ્રવૃત્તિમાં સ્વયંભૂ રીતે સહભાગી થયા હતા.
વડોદરા જિલ્લાના વિવિધ ગામોમાં આવેલા શાળા પરિસર, પંચાયત કચેરી, નદીનાળા, માર્ગો, પાણીના સ્ત્રોતો, ટાંકા, પ્રતિમાઓ સહિતની સફાઇ કરી સુંદર કરવામાં આવ્યા હતા. તેની સાથે સરકારી કચેરીઓમાં પણ સફાઇ ઝૂંબેશ ચાલી રહી છે.
હિન્દુસ્થાન સમાચાર/
