નવી દિલ્હી, 18 ઓક્ટોબર (હિ. સ.). કોંગ્રેસ નેતા રાહુલ ગાંધીએ આજે અદાણી ગ્રુપ પર ગંભીર આરોપ લગાવ્યા છે. કોંગ્રેસ હેડક્વાર્ટરમાં યોજાયેલી પ્રેસ કોન્ફરન્સમાં રાહુલે કહ્યું કે, અદાણી ગ્રુપ ઈન્ડોનેશિયાથી કોલસો ખરીદે છે. તે તેની કિંમતમાં હેરાફેરી કરીને, ભારતમાં તેને બમણી કિંમતે વેચે છે. જેના કારણે દેશમાં વીજળીના ભાવમાં વધારો થાય છે. જેનો ભાર ગરીબ લોકોને ભોગવવો પડે છે.
તેણે પોતાના આરોપના સમર્થનમાં લંડનના એક અખબારના અહેવાલને ટાંક્યો હતો. રાહુલે કહ્યું કે, અદાણી ગ્રુપે આ ગેરરીતિથી 12 હજાર કરોડ રૂપિયાની કમાણી કરી છે. ભારતના નાગરિકોએ આ સમજવું પડશે. રસપ્રદ વાત એ છે કે ભારતીય મીડિયા આવા અહેવાલો પર એક પણ સવાલ પૂછતું નથી.
ઉલ્લેખનીય છે કે, આજે કોંગ્રેસ મુખ્યાલયમાં કોંગ્રેસની કેન્દ્રીય ચૂંટણી સમિતિની બેઠક ચાલી રહી છે. રાહુલ પણ આમાં ભાગ લઈ રહ્યો છે. બેઠકમાં રાજસ્થાન અને મધ્યપ્રદેશ સહિત અન્ય રાજ્યોની વિધાનસભાની ચૂંટણી અંગે ચર્ચા કરવામાં આવી રહી છે. આ ચર્ચાને અધવચ્ચે છોડીને રાહુલ ગાંધીએ પ્રેસ કોન્ફરન્સને સંબોધી હતી.
હિન્દુસ્થાન સમાચાર/આશુતોષ /મુકુંદ / ડો. હિતેશ
