હજારીબાગ, નવી દિલ્હી, 01 ડિસેમ્બર (હિ. સ.). બોર્ડર સિક્યુરિટી ફોર્સ (બીએસએફ) નો 59મો સ્થાપના દિવસ, આજે (શુક્રવારે) અહીં મેરુ માં બોર્ડર સિક્યુરિટી ફોર્સ ટ્રેનિંગ સેન્ટર ખાતે ઉજવવામાં આવશે. કેન્દ્રીય ગૃહ પ્રધાન અમિત શાહ, જે ગઈકાલે સાંજે સમારોહમાં હાજરી આપવા અહીં પહોંચ્યા હતા, તેઓ આજે (શુક્રવાર) સવારે 10 વાગ્યે સ્થાપના દિવસની પરેડમાં ભાગ લેશે. ઝારખંડના રાજ્યપાલ સીપી રાધાકૃષ્ણન પણ કાર્યક્રમમાં ભાગ લેવા હજારીબાગ પહોંચ્યા છે.
બીએસએફ ની સ્થાપના 01 ડિસેમ્બર 1965ના રોજ થઈ હતી. ઉલ્લેખનીય છે કે, બીએસએફની પ્રથમ ફરજ દરેક પરિસ્થિતિમાં, દરેક મોસમમાં, દરેક સમયે અને દરેક પરિસ્થિતિમાં દેશની સરહદોની સુરક્ષા કરવાની છે. જેમના જીવનનો એકમાત્ર ઉદ્દેશ્ય દેશની સરહદોની રક્ષા સિવાય બીજું કંઈ નથી, એવા યુવાનો બીએસએફ ને તેમના જીવનનું લક્ષ્ય બનાવે છે.
1965ના ભારત-પાકિસ્તાન યુદ્ધ પછી સ્થપાયેલ બીએસએફ એ, ભારતની પૂર્વ અને પશ્ચિમી સરહદોની સુરક્ષામાં મહત્વની ભૂમિકા ભજવી છે. આજે બીએસએફમાં લગભગ 2.65 લાખ સૈનિકો છે. બીએસએફ માં 193 નિયમિત બટાલિયન, ચાર એનડીઆરએફ બટાલિયન, સાત આર્ટિલરી યુનિટ, આઠ વોટર વિંગ અને એક એર વિંગનો સમાવેશ થાય છે.
હિન્દુસ્થાન સમાચાર/મુકુંદ / ડો. હિતેશ
