રાંચી, નવી દિલ્હી, 20 જાન્યુઆરી (હિ.સ.) એન્ફોર્સમેન્ટ ડિરેક્ટોરેટ (ઇડી)ના અધિકારીઓની એક ટીમ, આજે બપોરે 12.00 વાગ્યા પછી મુખ્યમંત્રી હેમંત સોરેનના નિવાસસ્થાને પહોંચશે. આ ટીમમાં કદાચ દિલ્હીના કેટલાક અધિકારીઓ પણ હશે. આ સમયગાળા દરમિયાન સંઘર્ષની સંભાવના છે. કેન્દ્રીય સરના કમિટીના અધ્યક્ષ અજય તિર્કીએ કહ્યું છે કે, સંગઠન ઇડી ની કાર્યવાહી પર નજર રાખી રહ્યું છે. તમામ આદિવાસી સંગઠનો એક છે. સંસ્થાઓ દરેક પરિસ્થિતિનો સામનો કરવા તૈયાર છે.
ઇડી અધિકારીઓએ મુખ્યમંત્રી સોરેન અને તેમના પરિવારના સભ્યો દ્વારા હસ્તગત કરેલી સંપત્તિના નાણાકીય સ્ત્રોતો અંગે પૂછપરછ કરવાની છે. સંઘર્ષની સંભાવનાને ધ્યાનમાં રાખીને, કુલ 900 પોલીસ અધિકારીઓ અને સૈનિકોને ઇડી ઓફિસથી લઈને મુખ્ય પ્રધાનના આવાસની બહાર સુરક્ષા માટે તૈનાત કરવામાં આવ્યા છે. ઇડી ઓફિસ અને મુખ્યમંત્રી આવાસની બહાર બેરિકેડિંગ કરવામાં આવ્યું છે.
જેએમએમના કાર્યકર્તાઓ અને આદિવાસી સંગઠનો મુખ્ય પ્રધાનના નિવાસસ્થાને થતી દરેક ગતિવિધિ પર નજર રાખી રહ્યા છે. રાંચીને અડીને આવેલા જિલ્લાઓમાંથી જેએમએમ કાર્યકર્તાઓ, આજે મોરહાબાદીમાં મોટી સંખ્યામાં એકઠા થવાની સંભાવના છે. કેન્દ્રીય સરના કમિટીના પ્રમુખ અજય તિર્કીએ કહ્યું કે, તમામ આદિવાસી સંગઠનો દરેક પ્રકારની પરિસ્થિતિનો સામનો કરવા માટે તૈયાર છે.
હિન્દુસ્થાન સમાચાર/વંદના/મુકુંદ / ડો. હિતેશ
