બોલિવૂડ અભિનેત્રી કેટરિના કૈફ અને અભિનેતા વિજય સેતુપતિની સસ્પેન્સ થ્રિલર ફિલ્મ ‘મેરી ક્રિસમસ’ 12 જાન્યુઆરીએ સિનેમાઘરોમાં રિલીઝ થયાના માત્ર 5 દિવસમાં જ મોટા સંઘર્ષનો સામનો કરી રહી છે. ‘મેરી ક્રિસમસ’ બોક્સ ઓફિસ પર મહેશ બાબુની ‘ગુંટુર કરમ’, તેજા સજાાની ‘હનુમાન’ અને ધનુષની ‘કેપ્ટન મિલર’ સાથે સ્પર્ધાનો સામનો કરી રહી છે. આવી સ્થિતિમાં ‘મેરી ક્રિસમસ’ રિલીઝના 5 દિવસમાં 15 કરોડ રૂપિયા પણ કમાઈ શકી નથી.
‘મેરી ક્રિસમસ’ શ્રીરામ રાઘવન દ્વારા નિર્દેશિત થ્રિલર ફિલ્મ છે. કેટરિના અને વિજય સેતુપતિને મુખ્ય ભૂમિકામાં ચમકાવતી આ ફિલ્મ હિન્દી અને તમિલમાં એક સાથે રિલીઝ થઈ હતી. આ ફિલ્મ પહેલા દિવસથી જ બોક્સ ઓફિસ પર સંઘર્ષ કરી રહી છે. જોકે, તાજેતરમાં રિલીઝ થયેલી ફિલ્મોની ભીડમાં આ ફિલ્મને વધુ દર્શકો નથી મળી રહ્યા.
ફિલ્મ ‘મેરી ક્રિસમસ’એ રિલીઝના પહેલા દિવસે 2.45 કરોડ રૂપિયાનું કલેક્શન કર્યું હતું. ફિલ્મનું બીજા દિવસે 3.45 કરોડનું કલેક્શન હતું. ત્રીજા દિવસે ‘મેરી ક્રિસમસ’એ 3.83 કરોડ રૂપિયાની કમાણી કરી હતી અને ચોથા દિવસે ફિલ્મે માત્ર 1.65 કરોડ રૂપિયાનો બિઝનેસ કર્યો હતો. તેણે રિલીઝના પાંચમા દિવસે 1.15 કરોડ રૂપિયાનું કલેક્શન કર્યું છે. જો કે, આ આંકડાઓ સાથે, પાંચ દિવસમાં ‘મેરી ક્રિસમસ’નું કુલ કલેક્શન હવે 12.53 કરોડ થઈ ગયું છે.
ફિલ્મ ‘મેરી ક્રિસમસ’ તેની રિલીઝ પહેલા સમાચારમાં હતી, પરંતુ તેની થિયેટરમાં રિલીઝ થયા પછી, દર્શકોએ આ ફિલ્મ તરફ સંપૂર્ણપણે પીઠ ફેરવી લીધી છે. આ ફિલ્મ બોક્સ ઓફિસની રેસમાં ગુંટુર કરમ, હનુમાન, કેપ્ટન મિલરથી પાછળ રહી ગઈ છે. કેટરિના કૈફ અને વિજય સેતુપતિની 60 કરોડના બજેટમાં બનેલી ‘મેરી ક્રિસમસ’ હજુ અડધી કિંમત પણ વસૂલ કરી શકી નથી.
હિન્દુસ્થાન સમાચાર/લોકેશ ચંદ્ર/સુનીત
