નવી દિલ્હી, 12 જાન્યુઆરી (હિ.સ.) ગયા વર્ષે ડિસેમ્બરમાં સ્થાનિક પેસેન્જર વાહનોનું જથ્થાબંધ વેચાણ વાર્ષિક ધોરણે ચાર ટકા વધીને 2,86,390 યુનિટ થયું હતું. ડિસેમ્બર, 2022માં, વાહન નિર્માતાઓએ કુલ 2,75,352 પેસેન્જર વાહનોની સપ્લાય કરી હતી.
વાહન નિર્માતાઓના સંગઠન, સોસાયટી ઓફ ઈન્ડિયન ઓટોમોબાઈલ મેન્યુફેક્ચરર્સ (એસઆઈએએમ) એ શુક્રવારે જારી કરેલા નિવેદનમાં જણાવ્યું હતું કે ડિસેમ્બરમાં સ્થાનિક પેસેન્જર વાહનોના જથ્થાબંધ વેચાણમાં ચાર ટકાનો વધારો થયો છે. ગયા વર્ષે, ડિસેમ્બર, 2022માં, ઓટો ઉત્પાદકોએ 2,75,352 પેસેન્જર વાહનોની સપ્લાય કરી હતી, પરંતુ ડિસેમ્બર, 2023માં, 2,86,390 વાહનોની સપ્લાય કરવામાં આવી છે. ડેટા અનુસાર, આ સમયગાળા દરમિયાન ટુ-વ્હીલરનું જથ્થાબંધ વેચાણ 16 ટકા વધીને 12,11,966 યુનિટ થયું હતું, જે ડિસેમ્બર, 2022માં 10,45,052 યુનિટ હતું.
ઓટોમોબાઈલ ઉત્પાદકોના સંગઠન એસઆઈએએમ અનુસાર, ડિસેમ્બર 2023માં થ્રી-વ્હીલરનું જથ્થાબંધ વેચાણ 50,537 યુનિટ હતું, જ્યારે ડિસેમ્બર 2022માં તે 38,693 યુનિટ હતું.
હિન્દુસ્થાન સમાચાર / પ્રજેશ / સુનીત / ડો. હિતેશ/માધવી
