નવી દિલ્હી, 11 ડિસેમ્બર (હિ. સ.). આંતરરાષ્ટ્રીય બજારમાં કાચા તેલની કિંમતમાં પાછલા દિવસોની સરખામણીએ થોડો વધારો થયો છે. બ્રેન્ટ ક્રૂડની કિંમત લગભગ 77 ડોલર અને ડબલ્યુટીઆઈ ક્રૂડની કિંમત બેરલ દીઠ 72 ડોલર આસપાસ છે. દેશમાં જાહેર ક્ષેત્રની ઓઈલ અને ગેસ માર્કેટિંગ કંપનીઓએ પેટ્રોલ અને ડીઝલના ભાવમાં કોઈ ફેરફાર કર્યો નથી.
ઈન્ડિયન ઓઈલની વેબસાઈટ અનુસાર, સોમવારે દિલ્હીમાં પેટ્રોલ 96.72 રૂપિયા, ડીઝલ 90.08 રૂપિયા, મુંબઈમાં પેટ્રોલ 106.31 રૂપિયા, ડીઝલ 94.27 રૂપિયા, કોલકતામાં પેટ્રોલ 106.03 રૂપિયા, ડીઝલ 92.76 રૂપિયા, અને ચેન્નાઈમાં પેટ્રોલ રૂ. 102.80 અને ડીઝલ રૂ. 94.40 પ્રતિ લિટરના દરે ઉપલબ્ધ છે.
આંતરરાષ્ટ્રીય બજારમાં સપ્તાહના પ્રથમ દિવસે બ્રેન્ટ ક્રૂડ 0.30 ડોલર એટલેકે 0.40 ટકાના વધારા સાથે બેરલ દીઠ 76.14 ડોલર પર ટ્રેડ કરી રહ્યું છે. વેસ્ટ ટેક્સાસ ઇન્ટરમીડિયેટ (ડબલ્યુટીઆઈ) ક્રૂડ 0.19 ડોલર એટલેકે 0.27 ટકાના વધારા સાથે પ્રતિ બેરલ 71.42 ડોલર પર ટ્રેડ કરી રહ્યું છે.
હિન્દુસ્થાન સમાચાર/પ્રજેશ શંકર/મુકુંદ / ડો. હિતેશ/માધવી
