નવી દિલ્હી, 8 ઓગસ્ટ (હિ.સ.) ઐશ્વર્ય ઠાકરે, ટૂંક સમયમાં અભિનયની દુનિયામાં પગ મૂકવા જઈ રહ્યા છે. છેલ્લા કેટલાક સમયથી, તે તેની પહેલી ફિલ્મ ‘નિશાનચી’ માટે હેડલાઇન્સમાં છે. અનુરાગ કશ્યપે, આ ફિલ્મનું દિગ્દર્શન અને વાર્તા બંને સંભાળ્યા છે, જેના કારણે આ પ્રોજેક્ટ વધુ ખાસ બન્યો છે. અંતે, ફિલ્મનું ટીઝર રિલીઝ થઈ ગયું છે, જેમાં ઐશ્વર્યાનો મજબૂત અને ઉગ્ર અંદાજ જોવા મળે છે. ટૂંકા એક્શન શોટ્સ, ઝડપી સંવાદ ડિલિવરી અને તીક્ષ્ણ આંખો, આ બધું મળીને તેના પાત્રને પ્રભાવશાળી બનાવે છે. ટીઝરમાં સ્પષ્ટપણે જોઈ શકાય છે કે, ઐશ્વર્ય આ ભૂમિકા માટે સંપૂર્ણપણે તૈયાર છે અને તે પડદા પર જોરદાર એન્ટ્રી કરવા જઈ રહી છે.
‘નિશાનચી’ 19 સપ્ટેમ્બર, 2025 ના રોજ સિનેમાઘરોમાં રિલીઝ થશે. ફિલ્મમાં ઐશ્વર્ય સાથે વેદિકા પિન્ટો જોવા મળશે અને ટીઝરમાં બંનેની ઓન-સ્ક્રીન કેમેસ્ટ્રીની ઝલક પણ બતાવવામાં આવી છે. અનુરાગ કશ્યપે ટીઝર શેર કર્યું અને મજાકમાં લખ્યું, અમે બધું તૈયાર કરી લીધું છે. લાગણીઓ, એક્શન અને ગોફણ, બંદૂક, ગાડી, ઘોડો તો છે જ ભાઈ.
ફિલ્મના કલાકારોની વાત કરીએ તો, આ પ્રોજેક્ટમાં મોનિકા પંવાર, મોહમ્મદ ઝીશાન અયુબ, પીયૂષ મિશ્રા, મનન ભારદ્વાજ, વરુણ ગ્રોવર અને કુમુદ મિશ્રા જેવા મજબૂત કલાકારોનો પણ સમાવેશ થાય છે. ટીઝરમાં આ બધાની એક ઝલક જોવા મળે છે, જે વાર્તામાં વિવિધ રંગો ઉમેરવાનું વચન આપે છે. એકંદરે, ‘નિશાનચી’નું ટીઝર એક્શન, લાગણીઓ અને દેશી તડકાનું એવું મિશ્રણ રજૂ કરે છે, જેનાથી દર્શકોમાં ફિલ્મ પ્રત્યેની ઉત્સુકતા વધી ગઈ છે.
હિન્દુસ્થાન સમાચાર / લોકેશ ચંદ્ર દુબે / રામાનુજ શર્મા
હિન્દુસ્થાન સમાચાર / માધવી વ્યાસ
