গুৱাহাটী, ১৩ ডিছেম্বৰ (হি.স.)। উত্তৰ-পূব সীমান্ত ৰেলৱে ক্ৰীড়া সংস্থা (এনএফআৰএছএ)ৰ দ্বাৰা আয়োজিত ৬৭তম সৰ্বভাৰতীয় ৰেলৱে ভলীবল চেম্পিয়নশ্বিপ, ২০২৩-২০২৪ যি ০৭ ডিছেম্বৰৰ পৰা আৰম্ভ হৈছিল, ১২ ডিছেম্বৰ, ২০২৩ তাৰিখে সমাপ্ত হয়। সামৰণি অনুষ্ঠানত উত্তৰ পূব সীমান্ত ৰে’লৱেৰ মহাপ্ৰৱন্ধকশ্ৰী চেতন কুমাৰ শ্ৰীবাস্তৱে এনএফআৰএছএৰ সভাপতি আৰু অন্যান্য জ্যেষ্ঠবিষয়াবৰ্গৰ উপস্থিতিত বিজয়ী আৰু ৰানাৰ্ছ-আপসকলক পুৰস্কাৰ আৰু ট্ৰফী প্ৰদান কৰে।
এই প্ৰতিযোগিতাখনত সমগ্ৰ দেশতে বিস্তৃত হৈ থকা ভাৰতীয় ৰে’লৱেৰ বিভিন্ন সংমণ্ডল/পিএছইউৰ পৰা মুঠ ৩০০ জন খেলুৱৈৰে গঠিত মুঠ ২০টা দলে অংশগ্ৰহণ কৰে। লগতে, প্ৰতিযোগিতাখন পৰিচালনা কৰাৰ বাবে ভাৰতীয় ৰে’লৱেৰ বিভিন্ন সংমণ্ডলৰ মুঠ ২২ জন মেচ বিষয়া উপস্থিত থাকে। ছেমি ফাইনেলত দক্ষিণ পশ্চিম ৰেলৱেই ইণ্টিগ্ৰেল কোচ ফেক্টৰীক পৰাস্ত কৰে আৰু উত্তৰ ৰেলৱেই দক্ষিণ মধ্য ৰেলৱেক পৰাস্ত কৰি ফাইনেলত স্থান দখল কৰে। ফাইনেলত দক্ষিণ পশ্চিম ৰেলৱেই উত্তৰ ৰেলৱেক ৩-১ গ’লত পৰাস্ত কৰি চেম্পিয়নৰ খিতাপ অৰ্জন কৰে।
দক্ষিণ পশ্চিম ৰে’লৱেৰ অশ্বল ৰায় আৰু লিব্ৰো আৰু শেহতীয়াকৈ সমাপ্ত এছিয়ান গেমছ, ২০২৩ ত ভাৰতক প্ৰতিনিধিত্ব কৰা উত্তৰ ৰেলৱেৰ ৰোহিত কুমাৰে এই প্ৰতিযোগিতাখনত চমৎকাৰ প্ৰদৰ্শনৰ জৰিয়তে তেওঁলোকৰ উপস্থিতি চিহ্নিত কৰে। লগতে, জুনিয়ৰ ৱৰ্ল্ড ভলীবল চেম্পিয়নশ্বিপ আৰু জুনিয়ৰ এছিয়ান চেম্পিয়নশ্বিপ, ২০২২ত অংশগ্ৰহণ কৰা উত্তৰ ৰেলৱেৰ সমীৰে দক্ষিণ ৰেলৱেৰ অৰ্জুন বঁটা প্ৰাপ্ত কপিল দেৱৰ সৈতে এই প্ৰতিযোগিতাখনত অংশগ্ৰহণ কৰিছিল।
হিন্দুস্থান সমাচাৰ/আলোক/মনোজ
