চেলমছফৰ্ড, ২২ জুলাই (হি.স.)। একাংশ সিঙৰ আগ্ৰাসী শতকৰ বাবেই ইংলেণ্ডে প্ৰথম ইনিংছত ৩০৯ ৰান সংগ্ৰহ কৰে, যাৰ প্ৰতিক্ৰিয়া স্বৰূপে ভাৰতৰ ১৯ বছৰ অনুৰ্ধ দলে দ্বিতীয়খন যুৱ টেষ্ট মেচৰ দ্বিতীয় দিনৰ শেষলৈকে এটা উইকেটৰ বিনিময়ত ৫১ ৰান সংগ্ৰহ কৰে। বৰষুণৰ বাবে দিনটোৰ খেলত প্ৰভাৱ পৰাত মাত্ৰ ২৮.৩ অভাৰহে বল কৰিব পৰা যায়।
ষ্টাম্পৰ সময়ত আয়ুষ মহেত্ৰে ২০ ৰান আৰু বিহান মালহোত্ৰা ৬ ৰানেৰে ক্ৰীজত উপস্থিত আছিল। বৰ্তমান ইংলেণ্ডৰ স্ক’ৰতকৈ ২৫৮ ৰান পিছ পৰি আছে ভাৰত।
প্ৰথম দিনাই ৬৬ ৰান সংগ্ৰহ কৰি অপৰাজিত হৈ উভতি অহা একাংশ সিঙে অধিনায়ক থমাছ ৰ্যু (৫৯)ৰ সৈতে ষষ্ঠ উইকেটৰ বাবে ৯০ ৰানৰ গুৰুত্বপূৰ্ণ অংশীদাৰিত্ব গঢ়ি তুলিছিল। দ্বিতীয় দিনা একাংশই ১৫৫টা বলত ১১৭ ৰানৰ উজ্জ্বল ইনিংছ খেলিছিল, য’ত ১৪টা চাৰি আৰু ৩টা ছয় আছিল।
নৱম উইকেটৰ বাবে তেওঁ জেমছ মিণ্টো (৪৬)ৰ সৈতে এক গুৰুত্বপূৰ্ণ অংশীদাৰিত্ব ভাগ কৰিছিল । মিণ্টোৱে ৮৯টা বলত এটা ছয় আৰু ছয়টা চাৰি কোবায়।
ভাৰতৰ হৈ লেগ স্পিনাৰ নমন পুষ্পকে সৰ্বাধিক সফল বলিং কৰি ৭৬ ৰানত ৪টা উইকেট দখল কৰে। ইয়াৰ উপৰিও আদিত্য ৰাৱট আৰু আৰ এছ অম্বৰিছে দুটাকৈ উইকেট দখল কৰে। হেনিল পেটেল আৰু বিহান মালহোত্ৰাই এটাকৈ উইকেট লাভ কৰে।
ভাৰতৰ আৰম্ভণি আছিল আগ্ৰাসী। অ’পেনাৰ বৈভৱ সূৰ্যবংশীয়ে এলেক্স গ্ৰীণৰ অভাৰত এটা চাৰি আৰু দুটা ছয় কৰে যদিও গ্ৰীনে তেওঁক এ এম ফ্ৰেঞ্চৰ হাতত কেচ ধৰাই ২০ ৰানত পেভিলিয়নলৈ প্ৰেৰণ কৰে। ইয়াৰ পিছত বৰষুণে খেলত বাধা দি দিনটোৰ খেল শেষ বুলি ঘোষণা কৰা হয়।
চমু নম্বৰ:
ইংলেণ্ডৰ ১৯ বছৰ অনুৰ্ধ দল: ৩০৯ অল আউট (৮১.৩ অভাৰত)(একাংশ সিং ১১৭, থমাছ ৰিয়ু ৫৯; নমন পুষ্পক ৪/৭৬)
ইণ্ডিয়া অনূৰ্ধ্ব-১৯: ৫১/১ (৯ অভাৰত)(আয়ুষ মহত্ৰে ২৪*, বিহান মালহোত্ৰা ৬*; এলেক্স গ্ৰীণ ১/৩৪)
হিন্দুস্থান সমাচাৰ / মনোজ কুমাৰ শইকীয়া
