নতুন দিল্লী, ২৬ অক্টোবৰ (হি.স.)। ভাৰতীয় গ’লৰক্ষক আৰ্শদীপ সিঙক চুক্তিবদ্ধ কৰাৰ কথা ঘোষণা কৰি পঞ্জাৱ এফ চিয়ে নিজৰ গ’লৰক্ষক লাইনআপ আৰু অধিক শক্তিশালী কৰি তুলিছে ৷ ২৮ বছৰীয়া খেলুৱৈগৰাকীয়ে ক্লাবটোৰ সৈতে এবছৰৰ বাবে চুক্তিবদ্ধ হৈছে। হায়দৰাবাদ এফ চিৰ পৰা দলটোত যোগদান কৰা তেওঁ ২৭ অক্টোবৰত অনুষ্ঠিত হ’বলগীয়া এ আই এফ এফ ছুপাৰ কাপ ২০২৫ (গোকুলাম কেৰালা এফ চিৰ বিৰুদ্ধে)ৰ প্ৰথমখন মেচৰ পূৰ্বে দলটোৰ বাবে এক বৃহত দৃঢ়তা হ’ব বুলি আশা কৰা হৈছে।
পঞ্জাৱ অঞ্চলত আৰ্শদীপৰ কেৰিয়াৰ গভীৰভাৱে শিপাই আছে৷ তেওঁ এআইএফএফ এলিট একাডেমীত ফুটবল প্ৰশিক্ষণ গ্ৰহণ কৰে আৰু পৰৱৰ্তী সময়ত মিনাৰ্ভা পঞ্জাৱৰ সৈতে পেছাদাৰী কেৰিয়াৰ আৰম্ভ কৰে।
২০১৬-১৭ ছিজনত ছিনিয়ৰ দললৈ উন্নীত হোৱাৰ পিছত ২০১৭-১৮ ছিজনত ঐতিহাসিক আই-লীগ বিজয়ী দলৰ অংশ আছিল। মিনাৰ্ভাৰ সৈতে থকা সময়ছোৱাত তেওঁ এ এফ চি চেম্পিয়নছ লীগ কোৱালিফায়াৰ আৰু এ এফ চি কাপ দুয়োটাতে গুৰুত্বপূৰ্ণ মেচ খেলিছিল, যাৰ ফলত তেওঁ কেৰিয়াৰৰ আৰম্ভণিতে আন্তঃৰাষ্ট্ৰীয় অভিজ্ঞতা লাভ কৰিছিল।
আই এছ এলত প্ৰমাণ কৰিলে সামৰ্থতা
২০১৯ চনত ইণ্ডিয়ান ছুপাৰ লীগ (আই এছ এল)ত যোগদান কৰা আৰ্শদীপে তিনিটা ভিন্ন ক্লাবৰ হৈ ব্যতিক্ৰমীভাৱে ভাল প্ৰদৰ্শন আগবঢ়ায়। তেওঁ অডিছা এফ চিৰ সৈতে তিনিটা ছিজন কটায়। নৰ্থইষ্ট ইউনাইটেড এফ চিৰ বিৰুদ্ধে আই এছ এলত অভিষেক ঘটায় আৰু তিনি বছৰীয়া কাৰ্যকালত ৩৩খন মেচত অংশগ্ৰহণ কৰে। ২০২২-২৩ ছিজনত তেওঁ এফ চি গোৱাৰ হৈ ১৭টা গ’ল খেলিছিল। ইয়াৰ পিছত ২০২৪-২৫ ছিজনত হায়দৰাবাদ এফ চিত যোগদান কৰে।
পঞ্জাৱৰ গ’লৰক্ষক ইউনিটক শক্তিশালী কৰিব-টপলিয়াটিছ
পঞ্জাব এফ চিৰ কাৰিকৰী সঞ্চালক নিকোলাওছ টপলিয়াটিছে কয় যে, পাঞ্জাব এফ চিয়ে আৰ্শদীপক চুক্তিবদ্ধ কৰি গৌৰৱ অনুভৱ কৰিছে। তেওঁ আমাৰ গ’লৰক্ষক ইউনিটক শক্তিশালী কৰিব আৰু স্থানীয় প্ৰতিভা হিচাপে আমাৰ ব্যৱস্থাত উল্লেখযোগ্য অৱদান আগবঢ়াব। তেওঁৰ ফুটবল সংস্কৃতি আৰু অঞ্চলটোৰ আশাৰ বিষয়ে সম্যক বুজাবুজি আছে। আমি নিশ্চিত যে তেওঁ খেলপথাৰৰ ভিতৰত আৰু বাহিৰত দলটোৰ বাবে প্ৰভাৱশালী ভূমিকা পালন কৰিব।
ৰাজ্যখনক প্ৰতিনিধিত্ব কৰাটো প্ৰতিজন খেলুৱৈৰ সপোন – আৰ্শদীপ সিঙে এক বিবৃতিত কয়, প্ৰতিজন খেলুৱৈয়ে নিজৰ ৰাজ্যক প্ৰতিনিধিত্ব কৰাৰ সপোন দেখে, আৰু মোৰ বাবে পঞ্জাৱ এফ চিৰ সৈতে সেই সপোন বাস্তৱায়িত হৈছে। মই হোছিয়াৰপুৰ অঞ্চলৰ মহিলপুৰৰ পৰা আহিছো, য’ত মই সৰুৰে পৰা পাঞ্জাৱীসকলৰ ক্ৰীড়াৰ প্ৰতি থকা আকৰ্ষণৰ সাক্ষী হৈছো। এতিয়া যেতিয়া মই মোৰ ৰাজ্যৰ একমাত্ৰ শীৰ্ষ স্তৰৰ ক্লাবটোক প্ৰতিনিধিত্ব কৰিছো, ই এটা মোৰ বাবে গৌৰৱৰ মুহূৰ্ত।
हिन्दुस्थान समाचार / অৰৱিন্দ
