নতুন দিল্লী, ০৮ ডিচেম্বৰ (হি.স.)। কৰ্ণাটক ৰাজ্যিক ক্ৰিকেট সন্থাৰ নৱনিৰ্বাচিত সভাপতি তথা ভাৰতৰ প্ৰাক্তন বেগী বলাৰ ভেংকটেশ প্ৰসাদে আই পি এল আৰু আন্তঃৰাষ্ট্ৰীয় ক্ৰিকেটক এম চিন্নাস্বামী ষ্টেডিয়ামলৈ ঘূৰি অহাটো নিশ্চিত কৰাৰ লগতে কৰ্ণাটক ক্ৰিকেটৰ সামগ্ৰিক উন্নয়নক অগ্ৰাধিকাৰ দিয়াৰ প্ৰতিশ্ৰুতি দিছে।
প্ৰসাদৰ নিৰ্বাচনৰ লগে লগে কেএছচিএৰ বাবে এক নতুন অধ্যায়ৰ আৰম্ভণি। উল্লেখযোগ্য যে যোৱা ৪ জুনত ৰয়েল চেলেঞ্জাৰছ বেংগালুৰুৰ আই পি এল ২০২৫ৰ জয়ৰ স্মৃতিত অনুষ্ঠিত বিজয় যাত্ৰাৰ সময়ত চিন্নাস্বামী ষ্টেডিয়ামত হুলস্থুলীয়া পৰিৱেশৰ সৃষ্টি হৈছিল আৰু ১১জন লোকৰ প্ৰাণ কাঢ়িছিল। এই ঘটনাৰ পিছতে কেএছচিএ তদাৰকীৰ আওতালৈ আহে।
ইয়াৰ পূৰ্বে ২০১০ চনৰ পৰা ২০১৩ চনলৈ কেএছচিএৰ উপ-সভাপতি হিচাপে কাৰ্যনিৰ্বাহ কৰা প্ৰসাদে ভাৰতৰ হৈ ৩৩খন টেষ্ট আৰু ১৬১খন এদিনীয়া খেল খেলিছিল। তেওঁ কয় যে নিৰ্বাচনত গ্ৰাস কৰা তেওঁৰ টিম গেম চেঞ্জাৰছ পেনেলৰ লক্ষ্য হৈছে সংস্থাটোৰ মনোযোগ ক্ৰিকেটলৈ ঘূৰাই অনা আৰু চিন্নাস্বামী ষ্টেডিয়ামৰ প্ৰধান আন্তঃৰাষ্ট্ৰীয় স্থান হিচাপে সুনাম ঘূৰাই অনা।
ছ’চিয়েল মিডিয়া প্লেটফৰ্মত প্ৰসাদে লিখিছে, কে এছ চি এৰ সভাপতিৰ দায়িত্ব গ্ৰহণ কৰি মই সন্মানিত অনুভৱ কৰিছো। আই পি এল আৰু আন্তঃৰাষ্ট্ৰীয় ক্ৰিকেট চিন্নস্বামী ষ্টেডিয়ামলৈ ঘূৰি অহা আৰু সকলো স্তৰতে কৰ্ণাটক ক্ৰিকেটৰ উন্নয়নৰ বাবে মই প্ৰতিশ্ৰুতিবদ্ধ। দলীয় কাম, স্বচ্ছতা, আৰু নিষ্ঠাৰ দ্বাৰা আমি নিশ্চিতভাৱে আমাৰ লক্ষ্যত উপনীত হ’ম। মোৰ ওপৰত বিশ্বাস স্থাপন কৰা প্ৰতিজন সদস্যক ধন্যবাদ।
ভাৰতীয় প্ৰাক্তন ক্ৰিকেটাৰ সুজিত সোমসুন্দৰাম দেওবাৰে কে এছ চি এৰ উপ-সভাপতি নিৰ্বাচিত হোৱাৰ বিপৰীতে সন্তোষ মেনন পুনৰ সম্পাদক পদলৈ উভতি আহে। ইয়াৰ পূৰ্বে ২০১৯ চনৰ পৰা ২০২২ চনলৈকে এই পদত অধিষ্ঠিত আছিল মেননে। বি.এন. মধুকৰ কোষাধ্যক্ষ নিৰ্বাচিত হোৱাৰ বিপৰীতে তেওঁৰ প্ৰতিদ্বন্দ্বী কে.এন. শান্ত কুমাৰ পেনেলে যুটীয়া সম্পাদকৰ পদ লাভ কৰে।
কে এছ চি এৰ নিৰ্বাচনত ঘনিষ্ঠ প্ৰতিদ্বন্দ্বিতা দেখা গ’ল। কেইবাখনো মনোনয়ন পত্ৰ নাকচ হোৱাৰ লগতে উচ্চ ন্যায়ালয়ৰ এটা গোচৰে নিৰ্বাচনী পৰিৱেশ আৰু অধিক উত্তপ্ত কৰি তুলিলে। দেওবাৰে ১৩০৭টা ভোটদান কৰা হয়, যিটো ২০১৩ চনৰ ১৩৫১টা ভোটৰ ৰেকৰ্ডতকৈ অলপ কম।
ভেংকটেশ প্ৰসাদে ৭৪৯টা ভোট লাভ কৰাৰ বিপৰীতে তেওঁৰ প্ৰতিদ্বন্দ্বী কে.এন. শান্ত কুমাৰে লাভ কৰে ৫৮৮ ভোট। প্ৰসাদ পেনেলত ২০১০ চনৰ পৰা ২০১৩ চনৰ ভিতৰত ক্ৰমে কে এছ চি এৰ সভাপতি আৰু সম্পাদক হিচাপে কাৰ্যনিৰ্বাহ কৰা প্ৰাক্তন ভাৰতীয় কিংবদন্তি অনিল কুম্বলে আৰু জাভাগল শ্ৰীনাথৰ সমৰ্থনো আছিল।
উপ-সভাপতি পদৰ বাবে সোমসুন্দৰে ডি বিনোদ শিৱপ্পাক ৫৮৮টা ভোটত পৰাস্ত কৰি ৭১৯টা ভোট লাভ কৰে। সন্তোষ মেননে সম্পাদক পদৰ বাবে ৬৭২টা ভোট লাভ কৰি ই. জয়ৰাম (৬৩২)। মধুকৰে কোষাধ্যক্ষ পদৰ বাবে ৭৩৬টা ভোট লাভ কৰি এম. বিনয় (৫৭১)ক পৰাজিত কৰে। যুটীয়া সম্পাদক পদৰ বাবে ৬৬৯টা ভোট লাভ কৰি বি.কে. ৰবিয়ে এ.ভি. শশীধৰ (৬৩৮)ৰ পৰাস্ত কৰে।
পৰিচালন সমিতিৰ আজীৱন সদস্য পদ দুটালৈ ভি.এম. মঞ্জুনাথ (৬৯০ ভোট) আৰু শৈলেশ এন পোলে (৬১৮ ভোট) নিৰ্বাচিত হয়। বেংগালুৰু জ’নৰ পৰা প্রাক্তন ক্ৰিকেটাৰ কল্পনা ভেংকটাচৰ (৭৬৪ ভোট), অবিনাশ বৈদ্য (৬৯১), আৰু আশীষ অমৰলালে (৭০৩) উপলব্ধ তিনিখন আসন লাভ কৰে।
हिन्दुस्थान समाचार / অৰৱিন্দ
