– ১৬ বছৰীয়া শ্বাটলাৰৰ নামত বহু আন্তঃৰাষ্ট্ৰীয় পদক আছে, ভৱিষ্যতে বৃহৎ আশা
নতুন দিল্লী, ৩০ জুন (হি.স.)। ভাৰতৰ যুৱ বেডমিণ্টন খেলুৱৈ তনভি শৰ্মাই এতিয়া আনুষ্ঠানিকভাৱে আই অ’ এছ স্প’ৰ্টছ এণ্ড এণ্টাৰটেইনমেণ্টৰ সৈতে একচেটিয়া চুক্তিত স্বাক্ষৰ কৰিছে। পঞ্জাৱৰ হোছিয়াৰপুৰৰ পৰা অহা ১৬ বছৰীয়া তনভি দেশৰ অন্যতম আশাব্যঞ্জক শ্বাটলাৰ আৰু ইতিমধ্যে বহু আন্তঃৰাষ্ট্ৰীয় প্ৰতিযোগিতাত পদক লাভ কৰি নিজকে প্ৰমাণ কৰিছে। শেহতীয়াকৈ তনভিয়ে ছুপাৰ ৩০০ ইউ এছ অ’পেনৰ ফাইনেলত প্ৰৱেশ কৰি আন এক বৃহৎ মাইলৰ খুঁটি অৰ্জন কৰে।
তনভিয়ে ছোৱালী/মহিলা একক ইভেণ্টত খেলে আৰু কম বয়সতে এছিয়ান পৰ্যায়ত ভাল প্ৰদৰ্শন আগবঢ়াইছে। ২০২৩ চনৰ এছিয়া ইউথ বেডমিণ্টন চেম্পিয়নশ্বিপত ৰূপৰ পদক, ২০২৪ চনৰ এছিয়া টিম চেম্পিয়নশ্বিপত সোণৰ পদক আৰু ২০২৩ চনৰ ছিনিয়ৰ নেশ্যনেল চেম্পিয়নশ্বিপত ৰূপৰ পদক লাভ কৰা – যিটো এই বয়সত জ্যেষ্ঠ খেলুৱৈসকলৰ মাজত জয়ী হোৱাটো এক বৃহৎ কৃতিত্ব বুলি গণ্য কৰা হয়।
আই অ’ এছ স্প’ৰ্টছ এণ্ড এণ্টাৰটেইনমেণ্টৰ চি অ’ অ’ ৰাহুল ট্ৰেহানে কয় যে তনৱী শৰ্মাক আই অ’ এছ পৰিয়াললৈ আদৰিবলৈ পাই আমি অত্যন্ত উৎসাহিত হৈছো। তেওঁৰ তাৰকাময় প্ৰদৰ্শন, নিষ্ঠা আৰু কম বয়সতে কঠোৰ পৰিশ্ৰমে আমাক বহুত আপ্লুত কৰিছে। আমি নিশ্চিত যে তেওঁ আন্তঃৰাষ্ট্ৰীয় পৰ্যায়ত ভাৰতলৈ গৌৰৱ কঢ়িয়াই আনিব আৰু তেওঁৰ যাত্ৰাৰ প্ৰতিটো খোজতে আমি তেওঁৰ সৈতে থাকিম।”
এই অংশীদাৰিত্বই তনভিক তেওঁৰ খেলক আৰু অধিক নিখুঁত কৰাত সহায় কৰিব আৰু ৰাষ্ট্ৰীয় আৰু আন্তঃৰাষ্ট্ৰীয় পৰ্যায়ত নতুন উচ্চতাত উপনীত হ’ব। আই অ’ এছে তেওঁক তেওঁৰ খেল আৰু কেৰিয়াৰৰ সঠিক দিশ দিয়াৰ লগতে তেওঁক বিশ্বব্যাপী মঞ্চৰ বাবে প্ৰস্তুত কৰাৰ লক্ষ্য ৰাখিছে।
তনৱী শৰ্মাৰ বিষয়ে:বয়স: ১৬ বছৰ
ক্ৰীড়া: বেডমিণ্টন
ইভেন্ট: ছোৱালী/মহিলাৰ একক
প্ৰশিক্ষণ কেন্দ্ৰ: হোছিয়াৰপুৰ (পঞ্জাব)
মূল কৃতিত্ব:ৰূপ পদক – বেডমিণ্টন এছিয়া যুৱ চেম্পিয়নশ্বিপ ২০২৩
সোণৰ পদক – বেডমিণ্টন এছিয়া দল চেম্পিয়নশ্বিপ ২০২৪
ৰূপৰ পদক – ছিনিয়ৰ ৰাষ্ট্ৰীয় চেম্পিয়নশ্বিপ ২০২৩
ফাইনেলিষ্ট – ছুপাৰ ৩০০ ইউ এছ অ’পেন ২০২৫।
আই অ’ এছ স্প’ৰ্টছ এণ্ড এণ্টাৰটেইনমেণ্টৰ একচেটিয়াভাৱে পৰিচালিত বিশেষ খেলুৱৈৰ তালিকাত এতিয়া যোগদান কৰিছে তনভিয়ে। এই তালিকাত বিজেন্দৰ সিং, অঞ্জু ববি জৰ্জ, মীৰাবাই চানু, লভলিনা বৰগোহাঁই, মনপ্ৰীত সিং, অমন ছেহৰাৱট আৰু মণিকা বাট্ৰাৰ দৰে খেলুৱৈও আছে।
হিন্দুস্থান সমাচাৰ / মনোজ কুমাৰ শইকীয়া
