নতুন দিল্লী, ২৮ নৱেম্বৰ (হি.স.)। ইণ্ডিয়ান প্ৰিমিয়াৰ লীগ (আই পি এল) ২০২৪ ছিজনৰ পূৰ্বে ৰয়েল চেলেঞ্জাৰছ বেংগালুৰু (আৰ চি বি)য়ে মুকলি কৰি দিয়া ফাষ্ট বলাৰ হৰ্ষল পেটেলে নিজৰ প্ৰতিক্ৰিয়া প্ৰকাশ কৰিছে। তেওঁ কয় যে যোৱা তিনি বছৰত আৰ চি বিৰ সৈতে তেওঁৰ যাত্ৰা অবিশ্বাস্য আছিল।
বেগী বলাৰগৰাকীয়ে নিজৰ অফিচিয়েল ইনষ্টাগ্ৰাম একাউণ্টত এটা আৱেগিক পোষ্ট লিখিছে। পেটেলে লিখিছে যে মই মোৰ কিছুমান বিশেষ স্মৃতি ৰয়েল চেলেঞ্জাৰছ বেংগালুৰুৰ সৈতে শ্বেয়াৰ কৰিব বিচাৰিছো। যোৱা তিনি বছৰ মোৰ বাবে এক অবিশ্বাস্য যাত্ৰা। সুখ-দুখৰ সময়ত মোৰ কাষত থিয় দিয়া দলৰ সকলো মানুহকে ধন্যবাদ জনাইছো। আগবাঢ়ি যোৱাৰ লগে লগে মোৰ হৃদয়ত কৃতজ্ঞতাৰ বাহিৰে একো নাই।
২০২১ চনত আৰচিবিত যোগদান কৰিছিল পেটেলে। সেই ছিজনত তেওঁ ৩২টা উইকেট দখল কৰি পাৰ্পল কেপ লাভ কৰিছিল। অৱশ্যে ইয়াৰ পিছত তেওঁ ২০২৩ চনৰ ছিজনত ১৯টা উইকেট দখল কৰে। তেতিয়া ২০২৩ চনৰ ছিজনত হৰ্ষলৰ প্ৰদৰ্শন যথেষ্ট হতাশাজনক আছিল। ২০২৩ চনৰ আই পি এলত তেওঁ ৯.৬৬ ৰান ইকনমিৰে ১৪টা উইকেট দখল কৰে।
হিন্দুস্থান সমাচাৰ/বীৰেন্দ্ৰ/মনোজ/অৰবিন্দ
