লৰ্ডছ, ২১ আগষ্ট (হি.স.)। মহিলাৰ দ্য হাণ্ড্ৰেড প্ৰতিযোগিতাত বুধবাৰে নিশা অনুষ্ঠিত হোৱা খেলখনত ফিবি লিচফিল্ডৰ ধুমুহাময় অৰ্ধশতক আৰু এনাবল চাথাৰলেণ্ডৰ অল ৰাউণ্ড প্ৰদৰ্শনে (৩/২০ আৰু অপৰাজিত ২৯ ৰান) নৰ্দাৰ্ণ ছুপাৰচাৰ্জাৰে লণ্ডন স্পিৰিটক ৮ উইকেটত পৰাস্ত কৰাত সহায় কৰে। এই জয়ৰ জৰিয়তে ছুপাৰচাৰ্জাৰে এই ছিজনত চতুৰ্থটো জয় পঞ্জীয়ন কৰি পইণ্ট তালিকাত দ্বিতীয় স্থান দখল কৰে।
প্ৰথমে বেটিং কৰাৰ সিদ্ধান্ত লোৱা লণ্ডন স্পিৰিটৰ আৰম্ভণি দুৰ্বল আছিল। কেট ক্ৰছ আৰু গ্ৰেচ বেলিংগাৰে আগতীয়াকৈ আঘাত কৰে। জৰ্জিয়া ৰেডমেনে (২১ ৰাণ) ইনিংছটো চম্ভালিবলৈ চেষ্টা কৰিছিল যদিও আনটো মূৰৰ পৰা সমৰ্থন নাপালে। নিকোল কেৰী আৰু এনাবল ছাথাৰলেণ্ডে একেলগে ৫টা উইকেট দখল কৰাৰ বিপৰীতে বেলিংগাৰেও দুটা উইকেট দখল কৰে।
অৱশ্যে ইজি ৱং (২৪ ৰান) আৰু চাৰ্লি ডিনে ৩৩ ৰানৰ গুৰুত্বপূৰ্ণ অংশীদাৰিত্ব গঢ়ি তুলিছিল যদিও দুয়োজনে লেহেমীয়া গতিৰে খেলি দলটোক মাত্ৰ ৯০/৮ ৰানলৈ লৈ যাবলৈ সক্ষম হৈছিল।
লক্ষ্য খেদি খেদি ছুপাৰচাৰ্জাৰসকলে আৰম্ভণিতে এটা বিপৰ্যয় লাভ কৰিছিল যেতিয়া ৰেবেকা টাইছনে দুয়োটা ওপেনাৰক শীঘ্ৰেই পেভিলিয়নলৈ পঠিয়াইছিল। কিন্তু ইয়াৰ পিছত লিচফিল্ড আৰু চাথাৰলেণ্ডে আৰু কোনো সুযোগ নিদিলে। লিচফিল্ডে ৱঙৰ এটা অভাৰত একেৰাহে তিনিটা চাৰিটা মাৰি ছন্দ ধৰিছিল আৰু তাৰ পিছত আক্ৰমণাত্মক খেলখন অব্যাহত ৰাখিছিল। ছাথাৰলেণ্ডে সংযত ইনিংছ খেলি মাজতে ডাঙৰ ডাঙৰ শ্বট মাৰে আৰু ৱঙৰ পৰাও উজ্জ্বল ছয়ো মাৰে।
অৱশেষত লিচফিল্ডে (৫৫ নট আউট) ৬৬ নং বলত চাৰিটা মাৰি দলটোক জয়ৰ দিশে আগুৱাই লৈ যায়।
চমু স্ক’ৰকাৰ্ড: লণ্ডন স্পিৰিট – ৯০/৮ (১০০ বলত) – জৰ্জিয়া ৰেডমেন ২১, ইজি ৱং ২৪; এনেবল চাথাৰলেণ্ড ৩/২০, গ্ৰেচ বেলিংগাৰ ২/১২।
নৰ্দাৰ্ণ ছুপাৰচাৰ্জাৰ – ৯৩/২ (৬৬ বল) – ফিবি লিচফিল্ড ৫৫*, এনেবল চাথাৰলেণ্ড ২৯*; ৰেবেকা টাইছন ২/৬
নৰ্দাৰ্ণ ছুপাৰচাৰ্জাৰে ৮ উইকেটত জয়লাভ কৰে।
হিন্দুস্থান সমাচাৰ / মনোজ কুমাৰ শইকীয়া
