শ্বেনজেন, ১৯ ছেপ্টেম্বৰ (হি.স.)। চীন মাষ্টাৰছ ছুপাৰ ৭৫০ প্ৰতিযোগিতাৰ মহিলা একক কোৱাৰ্টাৰ ফাইনেলত সিন্ধুৱে পোনপটীয়া খেলত পৰাজয়ৰ সন্মুখীন হ’বলগীয়া হয়। ভাৰতৰ তাৰকা শ্বাটলাৰ পিভি সিন্ধুৱে শুকুৰবাৰৰ খেলখনত কোৰিয়াৰ বিশ্বৰ প্ৰথম নম্বৰৰ আন ছে ইয়ঙৰ বিৰুদ্ধে দুৰ্বল প্ৰদৰ্শন প্ৰদৰ্শন কৰে। দুবাৰৰ অলিম্পিক পদক বিজয়ীগৰাকীয়ে ২১-১৪, ২১-১৩ ব্য়ৱধানত পৰাস্ত হয়। মাত্ৰ ৩৮ মিনিটৰ খেলখন চলিছিল। উল্লেখযোগ্য যে সিন্ধুৱে আন ছে ইয়ঙৰ বিৰুদ্ধে আঠখন মেচতে পৰাস্ত হৈ জয়হীন হৈ আছে।
প্ৰথমখন খেলত সিন্ধুৰ আৰম্ভণি বেয়া হৈছিল, ১-৬ ব্য়ৱধানত পিছ পৰি আছিল। অৱশ্যে কামবেকৰ চেষ্টা কৰি স্ক’ৰ ৫-৯লৈ বৃদ্ধি কৰে যদিও এন ছে ইয়ঙে শক্তিশালী স্মাছ মাৰি ১১-৫ ব্য়ৱধানত অগ্ৰগতি লাভ কৰে। সিন্ধুৱে ব্যৱধান ১১-১৪ লৈ সংকুচিত কৰিলে, কিন্তু বাৰে বাৰে ভুলৰ বাবে পৰাজয়ৰ সৃষ্টি হয়।
দ্বিতীয়খন খেলত সিন্ধুৱে ৩-২ ব্য়ৱধানত অগ্ৰগতি লাভ কৰিছিল যদিও কোৰিয়ান খেলুৱৈগৰাকীয়ে দ্ৰুতগতিত নিয়ন্ত্ৰণ লাভ কৰে। সিন্ধুৱে আক্ৰমণাত্মক খেলি স্ক’ৰ ৭-৮লৈ আনে যদিও আনৰ চোকা স্মেছ আৰু প্ৰতাৰণামূলক শ্বটে তেওঁক পিছলৈ ঠেলি দিয়ে। বিৰতিৰ সময়ত কোৰিয়ান খেলুৱৈগৰাকীয়ে ১১-৭ ব্য়ৱধানত আগবাঢ়িছিল।
ইয়াৰ পিছত এন ছে ইয়ঙে একপক্ষীয় খেল খেলি স্ক’ৰ ১৪-৭লৈ লৈ যায় আৰু পিছলৈ ঘূৰি নাচালে। অৱশেষত ক্ৰছ ক’ৰ্ট স্মাছৰ জৰিয়তে ৮টা মেচ পইণ্ট লাভ কৰে যদিও সিন্ধুৰ আন এটা ভুলে কোৱাৰ্টাৰ ফাইনেলত যাত্ৰাৰ অন্ত পেলায়।
हिन्दुस्थान समाचार / মনোজ কুমাৰ শইকীয়া
