মহম্মদ ছিৰাজৰ ৩টা উইকেট দখল
আহমেদাবাদ, ০২ অক্টোবৰ (হি.স.)। ভাৰত আৰু ৱেষ্ট ইণ্ডিজৰ মাজত ইয়াৰ নৰেন্দ্ৰ মোদী ষ্টেডিয়ামত অনুষ্ঠিত হোৱা প্ৰথমখন টেষ্ট মেচৰ প্ৰথম দিনাই ৱেষ্ট ইণ্ডিজৰ আৰম্ভণি দুৰ্বল আছিল, দুপৰীয়াৰ আহাৰ গ্ৰহণৰ সময়ত মাত্ৰ ৯০ ৰানত ৫ উইকেট হেৰুৱাইছিল। অধিনায়ক ৰষ্টন চেজে ২২ ৰানত অপৰাজিত হৈ থাকে।
এই মেচখনত ৱেষ্ট ইণ্ডিজৰ অধিনায়ক ৰষ্টন চেজে টছত জয়লাভ কৰি প্ৰথমে বেটিং কৰাৰ সিদ্ধান্ত লয়, যিটো সিদ্ধান্ত ভুল প্ৰমাণিত হয়। মহম্মদ চিৰাজ আৰু জছপ্ৰিত বুমৰাহে আগতীয়াকৈ আঘাত প্ৰদান কৰে আৰু ৪০ ৰানত চাৰিটা উইকেট হেৰুৱাই উইণ্ডিজৰ বাবে এক আমনিদায়ক পৰিস্থিতিৰ সৃষ্টি কৰে। ছিৰাজে টেগ নাৰায়ণ চন্দৰপলক ০, এলিক আথানাছে ১২, আৰু ব্ৰেণ্ডন কিঙক (১৩) আউট কৰাৰ বিপৰীতে জস্প্ৰিত বুমৰাহে জন কেম্পবেলক (০৮) আউট কৰে।
ইয়াৰ পাছতে শ্বাই হোপে (২৬) চেজৰ সৈতে ৫০ ৰান সংযোজন কৰি দলৰ স্ক’ৰ ৯০ লৈ বৃদ্ধি কৰে। এই স্ক’ৰত কুলদীপ যাদৱে হোপক বোল্ড কৰি ৱেষ্ট ইণ্ডিজক পঞ্চমটো আঘাত দিয়ে। হোপক আউট কৰাৰ পিছত দুপৰীয়াৰ আহাৰ গ্ৰহণৰ কথা ঘোষণা কৰা হ’ল।
ভাৰতৰ হৈ ছিৰাজে তিনিটা উইকেট দখল কৰাৰ বিপৰীতে বুমৰাহ আৰু কুলদীপ যাদৱে এটাকৈ উইকেট দখল কৰে।
हिन्दुस्थान समाचार / অৰৱিন্দ
