গুৱাহাটী, ১৫ ডিছেম্বৰ (হি.স.)। আজি নিশা ইন্দিৰা গান্ধী এথলেটিক ষ্টেডিয়ামত অনুষ্ঠিত হ’বলগীয়া ইণ্ডিয়ান ছুপাৰ লীগ (আই এছ এল) ২০২৩-২৪ৰ খেলখনত আয়োজক দল নৰ্থ ইষ্ট ইউনাইটেড এফ চিৰ বিৰুদ্ধে খেলিব মোহন বাগান ছুপাৰ জায়েন্টছ দলে।
কেইবাটাও আঘাতৰ সৈতে যুঁজি মেৰিনাৰ্ছে ঘৰুৱা খেলপথাৰত অনুষ্ঠিত হোৱা আই এছ এলৰ শেষৰখন খেলত ওডিছা এফ চিক ২-২ গ’লত ড্ৰ’ কৰি ৰাখিছিল। স্পেইনৰ মুখ্য প্ৰশিক্ষক জুয়ান ফেৰাণ্ডোৰ দলটোৱে এই ছিজনত দুটা মূল লক্ষ্য আছিল, প্ৰথমতে আই এছ এলত লীগ টেবুলত শীৰ্ষস্থান দখল কৰা আৰু দ্বিতীয়তে এ এফ চি কাপত ভাল প্ৰদৰ্শন কৰা। ঘৰুৱা ক্ষেত্ৰত তেওঁলোকে একেৰাহে পাঁচটা জয়ৰে আৰম্ভণি কৰিছিল, যিটো আই এছ এলৰ ইতিহাসত ইমানবোৰ মেচৰ পিছত সৰ্বশ্ৰেষ্ঠ অভিলেখ।
যোৱা চাৰিখন মেচত নৰ্থইষ্ট ইউনাইটেড এফ চিয়ে দুখন ড্ৰ’ আৰু দুখন পৰাস্ত হৈছে। হাইলেণ্ডাৰছতকৈ এখন মেচ বেছি খেলি ষষ্ঠ স্থানত থকা চেন্নাইইন এফ চিৰ পৰা দুটা পইণ্ট পিছ পৰি আছে। শক্তিশালী মোহন বাগানৰ ছুপাৰ জায়েন্টৰ বিৰুদ্ধে খেলাটো কেতিয়াও সহজ নহয় যদিও কঠোৰ প্ৰতিযোগিতাৰ মাজত বিজয়ী হৈ ওলাই আহিবলৈ কঠিন প্ৰত্যাহ্বান অতিক্ৰম কৰিব লাগিব।
মেচৰ পূৰ্বে সংবাদমেলত নৰ্থইষ্ট ইউনাইটেড এফ চিৰ স্পেইনৰ মুখ্য প্ৰশিক্ষক জুয়ান পেড্ৰ’ বেনালীয়ে কয় যে তেওঁলোক এটা ভাল দল, অতি ভাল দল আৰু তেওঁলোকৰ যিকোনো খেলুৱৈয়ে পৰিৱৰ্তন আনিব পাৰে। আমি ধনৰ পৰিৱৰ্তে মেচৰ ওপৰত গুৰুত্ব দিছো। কাৰণ শেষত প্ৰতিযোগিতাখন ১১ বনাম ১১ৰ মাজত। টকাই দীৰ্ঘম্যাদীভাৱে পাৰ্থক্য আনে, হ্ৰস্বম্যাদীভাৱে নহয়। বহুত টকা খৰচ কৰিলেই আপুনি জয়ী হ’ব বুলি ক’ব নোৱাৰি। সেইবাবেই আমাৰ হাতত পেৰিছ চেণ্ট জাৰ্মেইনৰ উদাহৰণ আছে। আমি এটা যুঁজাৰু দল। আমি কি কৰিব, কি নকৰিব জানো আৰু আমি তেওঁলোকক খেলপথাৰত দেখা পাম।”
মোহন বাগান ছুপাৰ জায়েন্টছৰ সহকাৰী প্ৰশিক্ষক ক্লিফৰ্ড মিৰাণ্ডাই এই মেচখনৰ প্ৰস্তুতিৰ বাবে সম্পূৰ্ণ শক্তিৰ দল এটা থকাৰ গুৰুত্বৰ বিষয়ে কয়। তেওঁ কয়, ‘আমাৰ সকলো খেলুৱৈ উপলব্ধ হোৱাটো সদায় গুৰুত্বপূৰ্ণ হৈ আহিছে, যাতে আমাৰ হাতত নিৰ্বাচন কৰিবলৈ খেলুৱৈৰ এক বহল পুল থাকে, যাতে আমি কেইজনমান খেলুৱৈৰ মাজত সীমাবদ্ধ হৈ থকাতকৈ আমাৰ দলটোক ভালদৰে গঢ়ি তুলিব পাৰো।’
উল্লেখ্য যে এতিয়ালৈকে দুয়োটা দলৰ মাজত ৮ খন মেচ খেলিছে, ইয়াৰে মহন বাগান ছুপাৰ জায়েণ্টে ৫ খন আৰু নৰ্থইষ্ট ইউনাইটেডে ২ খনত জয়লাভ কৰিছে, আনহাতে ১ খন মেচ ড্ৰ’ হৈছে।
হিন্দুস্থান সমাচাৰ / সুনীল/মনোজ
