ৰঙিয়াৰ মৰাণজানাত শ্ৰীমন্ত শঙ্কৰদেৱ সংঘৰ আগন্তুক ৯৩ সংখ্যাক কেন্দ্ৰীয় অধিবেশনৰ প্ৰস্তুতি

কামৰূপ, ২২ জানুৱাৰী (হি স)। শ্ৰীমন্ত শঙ্কৰদেৱ সংঘৰ আগন্তুক ৯৩ সংখ্যাক কেন্দ্ৰীয় অধিবেশন ৯, ১০ আৰু ১১ ফেব্ৰুৱাৰীত ৰঙিয়াৰ মৰাণজানাত অনুষ্ঠিত হব। এই উপলক্ষে বিভিন্ন প্ৰান্তৰ শ শ লোকে প্ৰতিদিনে অধিবেশন স্থলীত শ্ৰম দান কৰিছে। অসমৰ বিভিন্ন জিলাৰ ভকত বৈষ্ণৱ আহি এই অধিৱেশনৰ বাবে শ্ৰম দান দিছে। জাতি ধৰ্ম বৰ্ণ নিৰ্বিশেষে শ্ৰমদান কৰিছে অধিবেশন স্থলীত ।

ইফালে চুবুৰীয়া গাঁৱৰ পুৰুষ মহিলা সকল ওলাই আহি অধিবেশন স্থলীত শ্ৰমদান কৰিছে । ৰঙিয়াৰ বৰশিল জামে মছজিদ, বৰশিল ৰাজহুৱা নামঘৰ সমিতি আৰু বাসুদেৱ বামুন গাঁও নামঘৰ সমিতিৰ লোকসকল আহি অধিবেশন খনি সাফল্যৰ বাবে নামি পৰিছে । সকলোৱে কাম কৰিছে একেলগে গ্ৰহণ কৰিছে সমুহীয়া ভোগ । এনে সম্প্ৰীতিৰ নিদৰ্শনে এক অন্য মাত্ৰা প্ৰদান কৰিছে অধিবেশন স্থলী ।

হিন্দুস্থান সমাচাৰ/প্ৰকাশ/মনোজ