তামুলপুৰ, ২৬ আগষ্ট (হি.স.): তামুলপুৰ জিলাৰ বাঙালীপাৰাৰ ভৰালী চ’কৰ ঘটনাটোকলৈ মুখ্যমন্ত্ৰী ড’হিমন্ত বিশ্ব শৰ্মাই উদ্বিগ্নতা প্ৰকাশ কৰাৰ লগতে তদন্ত কৰা হ’ব বুলি ঘোষণা কৰাৰ পিছতে যোৱাকালি সোমবাৰে বিয়লি দুৰ্ঘটনাস্থলীত উপস্থিত হয় বিটিআৰৰ আইজিপি বিবেকৰাজ সিং । দুৰ্ঘটনাস্থলীত উপস্থিত হৈ শীৰ্ষ আৰক্ষী বিষয়াগৰাকীয়ে অনুসন্ধান কৰাৰ লগতে গাঁও প্ৰধানসহ স্থানীয় লোকক ঘটনাৰ বিষয়ে সোধা পোচা কৰে।
শীৰ্ষ আৰক্ষী বিষয়াগৰাকীয়ে ঘটনাটো গুৰুত্বসহকৰে লৈ তদন্ত কৰা বুলি সংবাদ মাধ্যমৰ আগত মন্তব্য কৰে। ঘটনাস্থলীত শীৰ্ষ আৰক্ষী বিষয়াগৰাকীৰ লগতে তামুলপুৰ জিলাৰ আয়ুক্ত পংকজ চক্ৰৱৰ্তী, আৰক্ষী অধীক্ষক দিগন্ত কুমাৰ চৌধুৰী, অতিৰিক্ত আৰক্ষী অধীক্ষক জুপি বৰদলৈয়েও উপস্থিত থাকে।
হিন্দুস্থান সমাচাৰ / কিশোৰ মিশ্ৰ
