ইম্ফল, ২৬ নৱেম্বৰ (হি.স.)। মণিপুৰৰ নিৰাপত্তা বাহিনীয়ে বিগত ২৪ ঘন্টাত তিনিখন জিলাৰ পৰা বৃহৎ পৰিমাণৰ অস্ত্ৰ-শস্ত্ৰ, গোলা-বাৰুদ, বিস্ফোৰক সামগ্ৰী উদ্ধাৰ কৰিবলৈ সক্ষম হৈছে। চুৰাচান্দপুৰ, কাংপকপি আৰু ইম্ফল পশ্চিম জিলাত চলাইছিল এই অভিযান। এই অভিযানৰ সময়ত নিৰাপত্তা বাহিনীয়ে এজন উগ্ৰপন্থীক গ্ৰেপ্তাৰ কৰাত সফল হয়।
চুৰাচান্দপুৰ জিলাৰ গেলমোল গাঁৱত তালাচী অভিযানৰ সময়ত নিৰাপত্তা বাহিনীয়ে এটা দীৰ্ঘ দূৰত্বৰ ৰকেট, এটা ৰকেট উৎক্ষেপণ ষ্টেণ্ড, বেটাৰীৰ টুকুৰা, আৰু প্ৰায় ৪০ কিলোগ্ৰাম বিস্ফোৰক থকা পাঁচটা বালিৰ মোনা উদ্ধাৰ কৰে। কাংপকপি জিলাৰ গেলবুং বনাঞ্চলত নিৰাপত্তা বাহিনীয়ে এটা চিএমজি কাৰবাইন আৰু মেগজিন, এটা .৩০৩ ৰাইফল, দুটা পিষ্টল আৰু মেগজিন, ৯টা থলুৱাভাৱে নিৰ্মিত বল্ট-একচন চিংগল-বেৰেল বন্দুক, এটা থলুৱাভাৱে নিৰ্মিত এছবিবিএল, এটা স্থানীয়ভাৱে নিৰ্মিত গ্ৰেনেড, ৪৬টা সজীৱ কাৰ্টিজ, ৮০টা খালী শ্বেল, এটা ছেফটি ফিউজ, এটা ডিটনেটৰ, তিনিটা উদ্ধাৰ কৰে পিইকেৰ টুকুৰা, চাৰিটা পাম্প, এটা পাম্প ষ্টেণ্ড, দুটা বাওফেং হেণ্ডছেট, এযোৰ জংগল বুট, আৰু এটা মেগাজিনৰ পাউচ।
কাংচুপ থানা এলেকাৰ অন্তৰ্গত ছংলুং গাঁৱৰ আশে-পাশেও এক বৃহৎ অভিযান চলোৱা হয়। ইয়াত নিৰাপত্তা বাহিনীয়ে এটা হেকাৰ এণ্ড কোচ জি ৩ ৰাইফল আৰু মেগজিন, দুটা বল্ট-একচন ৰাইফল, চাৰিটা পুল মেকানিজম ৰাইফল, এটা ইম্প্ৰভাইজড মৰ্টাৰ, দুটা নং ৩৬ হেণ্ড গ্ৰেনেড, আৰ্মিং ৰিং আৰু ডিটনেটৰ, দুটা জি ৩ লাইভ ৰাউণ্ড, আৰু এটা হেণ্ডহেল্ড ৰেডিঅ’ চেট উদ্ধাৰ কৰে।
ইফালে মণিপুৰ আৰক্ষীয়ে ইম্ফল পশ্চিম জিলাৰ ৱাংগোই থানা এলেকাৰ চন্দ্ৰনাদী লামখাই অঞ্চলৰ পৰা কেচিপি (পিডব্লিউজি)ৰ কেডাৰ ৰোনাল্ডো থৌডাম ওৰফে লামজিংবা (২৩)ক গ্ৰেপ্তাৰ কৰে। তেওঁ হাওৰেবি মায়াই লাইকাইৰ বাসিন্দা।
हिन्दुस्थान समाचार / অৰৱিন্দ
