ভুৱনেশ্বৰ, ৩১ অক্টোবৰ (হি.স.): ওডিছা নতুন তথা ২৬ সংখ্যক ৰাজ্যপাল হিচাপে আজি মঙলবাৰে শপত গ্ৰহণ কৰে ঝাৰখণ্ডৰ প্ৰাক্তন মুখ্যমন্ত্ৰী ৰঘুবৰ দাসে। ৰাজভৱনত আয়োজিত শপত গ্ৰহণ অনুষ্ঠানত ওডিছা উচ্চ ন্যায়ালয়ৰ মুখ্য ন্যায়াধীশে ৰাজ্যখনৰ ৰাজ্যপাল হিচাপে ৰঘুবৰ দাসক শপত গ্ৰহণ কৰোৱায়।
শপত গ্ৰহণ অনুষ্ঠানত ৰঘুবৰ দাসৰ পৰিয়ালৰ সদস্যকে ধৰি ৮০ গৰাকী অতিথি উপস্থিত থাকে। ৰাজ্যপাল হিচাপে শপত গ্ৰহণৰ প্ৰাকক্ষণত ৰঘুবৰ দাস ভুৱনেশ্বৰত ভগৱান লিংগৰাজৰ আশীৰ্বাদ বিচাৰি পুৱাই লিংগৰাজ মন্দিৰলৈ গৈছিল। তেওঁ ওড়িশা আৰু ভাৰতক উন্নয়ন আৰু সফলতাৰ শিখৰত উপনীত হ’বলৈ ঈশ্বৰৰ ওচৰত প্ৰাৰ্থনা কৰে।
মন কৰিবলগীয়া যে ১৮ অক্টোবৰত ৰাষ্ট্ৰপতি দ্ৰৌপদী মুৰ্মুৱে ৰঘুবৰ দাসক ওডিছাৰ ৰাজ্যপাল হিচাপে নিযুক্তি দিছিল। তেওঁ অধ্যাপক গণেশী লালৰ স্থানত স্থলাভিষিক্ত হৈছে।
হিন্দুস্থান সমাচাৰ/ৰাকেশ/মনোজ
