ৰামনাথপুৰম (তামিলনাডু), ৩০ ডিচেম্বৰ (হি.স.)। তামিলনাডু আৰু কাশীৰ মাজত সাংস্কৃতিক সংযোগ আৰু কালজয়ী বন্ধনক উদযাপন কৰা কাশী তামিল সংগম ৪.০ৰ ভৱ্য সামৰণি অনুষ্ঠান আজি ৰামেশ্বৰমত অনুষ্ঠিত হ’ব। এক বৃহৎ মঞ্চ স্থাপন কৰি আৰক্ষীৰ গধুৰ নিৰাপত্তাৰ ব্যৱস্থা কৰা হৈছে। সামৰণি অনুষ্ঠানত উপ-ৰাষ্ট্ৰপতি চি.পি. ৰাধাকৃষ্ণনকে ধৰি দেশৰ বিভিন্ন প্ৰান্তৰ পৰা বহু গণ্যমান্য ব্যক্তিয়ে অংশগ্ৰহণ কৰিব।
এইবাৰ ২ ডিচেম্বৰৰ পৰা ১৫ ডিচেম্বৰলৈ উত্তৰ প্ৰদেশৰ বাৰাণসীতো কাশী তামিল সংগম অনুষ্ঠিত হয়। তামিলনাডুৰ ছাত্ৰ-ছাত্ৰী, শিল্পী, কৃষক, আৰু স্বেচ্ছাসেৱকসকলে অংশগ্ৰহণ কৰে। আজি বিয়লি ৩ বজাত ৰামেশ্বৰমত অনুষ্ঠিত হ’ব এই অনুষ্ঠানৰ সামৰণি। কাশী তামিল সংগমৰ সামৰণি অনুষ্ঠানত ৫ হাজাৰ আমন্ত্ৰিত নাগৰিকে অংশগ্ৰহণ কৰাৰ সম্ভাৱনা আছে। নিৰাপত্তাৰ বাবে নিয়োগ কৰা হৈছে ৭০০ আৰক্ষী জোৱান।
ৰামেশ্বৰম বাছ আস্থানৰ সমীপৰ মন্দিৰৰ অতিথি কমপ্লেক্সত অনুষ্ঠিত হ’ব এই অনুষ্ঠান। আজি পুৱা ৰামনাথপুৰমৰ জিলা উপায়ুক্ত ছিমৰজীত সিং কলন, জিলা আৰক্ষী অধীক্ষক সন্দীপ আৰু কেইবাজনো উচ্চপদস্থ বিষয়াই মন্দিৰ কমপ্লেক্সত পৰিদৰ্শন কৰি ব্যৱস্থাসমূহ পৰ্যালোচনা কৰে। এই অনুষ্ঠানত উপ-ৰাষ্ট্ৰপতি চি পি ৰাধাকৃষ্ণন, তামিলনাডুৰ ৰাজ্যপাল আৰ এন ৰবি, কেন্দ্ৰীয় শিক্ষামন্ত্ৰী ধৰ্মেন্দ্ৰ প্ৰধান, কেন্দ্ৰীয় ৰাজ্যিক মন্ত্ৰী এল মুৰুগানকে ধৰি কেইবাজনো বিশিষ্ট ব্যক্তিয়ে অংশগ্ৰহণ কৰিব।
हिन्दुस्थान समाचार / অৰৱিন্দ
