নতুন দিল্লী, আজি পুৱা ১০:৩০ বজাত প্ৰধানমন্ত্ৰী নৰেন্দ্ৰ মোদীয়ে ষ্টাৰ্টআপ মহাকুম্ভক সম্বোধন কৰিব। ৰাষ্ট্ৰীয় ৰাজধানীৰ প্ৰগতি ময়দানত অৱস্থিত ভাৰত মণ্ডপমত ইয়াৰ আয়োজন কৰা হৈছে। মহাকুম্ভৰ সফলতাক লৈ সন্তোষ প্ৰকাশ কৰাৰ সমান্তৰালকৈ প্ৰধানমন্ত্ৰীয়ে নিজৰ এক্স হেণ্ডেলত এই তথ্য শ্বেয়াৰ কৰিছে। প্ৰেছ ইনফৰ্মেশ্যন ব্যুৰো (পি আই বি)ৰ তথ্য অনুসৰি ষ্টাৰ্টআপ মহাকুম্ভ হৈছে দেশৰ সৰ্ববৃহৎ আৰু প্ৰথমটো ষ্টাৰ্টআপ ইভেণ্ট। ইয়াত অভিলেখ অংশগ্ৰহণ লিপিবদ্ধ কৰা হৈছিল। এই মহাকুম্ভই ভাৰতীয় ষ্টাৰ্টআপ ইক’ চিষ্টেমৰ সকলো অংশীদাৰৰ বাবে লাইভ প্লেটফৰ্ম হিচাপে কাম কৰি আছে।
প্ৰধানমন্ত্ৰী মোদীয়ে তেওঁৰ বিষয়ত লিখিছে, ‘কাইলৈ পুৱা ১০:৩০ বজাত মই ষ্টাৰ্টআপ মহাকুম্ভত ভাষণ দিম, যিটো প্লেটফৰ্মত ষ্টাৰ্টআপ জগতৰ অংশীদাৰ, উদ্ভাৱক আৰু উদীয়মান উদ্যোগীসকলক একত্ৰিত কৰা হয় ষ্টাৰ্টআপৰ জগতখনত ভাৰতৰ অগ্ৰগতি যোৱা কেইবছৰমানৰ পৰা অসাধাৰণ।
উল্লেখযোগ্য যে এই বিশাল সংগমস্থলীত ২০০০ৰো অধিক ষ্টাৰ্টআপ, ১০০০ বিনিয়োগকাৰী, ১০০ৰো অধিক ইউনিকৰ্ণ আৰু ৩০০ৰো অধিক ইনকিউবেটৰ আৰু এক্সিলেটৰৰ উপস্থিতি লিপিবদ্ধ কৰা হৈছে। সকলো ৰাজ্যৰ পৰা ৩ হাজাৰতকৈ অধিক প্ৰতিনিধি, ৩০০০ সম্ভাৱ্য উদ্যোগী আৰু ৫০ হাজাৰ ব্যৱসায়িক দৰ্শনাৰ্থী জড়িত হৈ আছে। ষ্টাৰ্টআপ মহাকুম্ভৰ দ্বাৰা অত্যাধুনিক প্ৰযুক্তি, কৃষি প্ৰযুক্তি, জৈৱ প্ৰযুক্তি, চিকিৎসা প্ৰযুক্তি, কৃত্ৰিম বুদ্ধিমত্তা, গেমিং আদি উদীয়মান খণ্ডসমূহ অধিক উন্নত কৰা হৈছে।ইয়াত ১০খনতকৈও অধিক দেশৰ প্ৰতিনিধি দলে অংশগ্ৰহণ কৰিছে।
এছোচেম, নেছকম, বুটষ্ট্ৰেপ ইনকিউবেছন এণঅড এডভাইছৰী ফাউণ্ডেচন, টিআইই আৰু ইণ্ডিয়ান ভেন্সাৰ এণ্ড অল্টাৰনেট কেপিটেল এছোচিয়েচন (আইভিচিএ)ৰ যৌথ প্ৰচেষ্টাত এই কাৰ্যসূচী আয়োজন কৰা হৈছে। ইয়াক উদ্যোগ আৰু আভ্যন্তৰীণ বাণিজ্য প্ৰসাৰ বিভাগ (ডিপিআইআইটি), ইলেক্ট্ৰনিকছ আৰু তথ্য প্ৰযুক্তি মন্ত্ৰালয় (মেইটৱাই), ষ্টাৰ্টআপ হাব (এমএছএইচ) আৰু ইনভেষ্ট ইণ্ডিয়াৰ দ্বাৰা সমৰ্থিত। ১৮ মাৰ্চৰ পৰা নতুন দিল্লীৰ ভাৰত মণ্ডপামত আৰম্ভ হৈছিল ষ্টাৰ্টআপ মহাকুম্ভ। ইয়াৰ বিষয়বস্তু হৈছে – ইণ্ডিয়া ইনোভেটছ। ষ্টাৰ্টআপ মহাকুম্ভ হৈছে ভাৰতৰ এই ধৰণৰ সৰ্ববৃহৎ আৰু প্ৰথম ষ্টাৰ্টআপ ইভেণ্ট।
