নতুন দিল্লী, ০২ ডিছেম্বৰ (হি.স.)। সূৰ্য্যৰ ওপৰত অধ্যয়ন কৰা প্ৰথমটো মহাকাশভিত্তিক মানৱ নিৰীক্ষণ কেন্দ্ৰ আদিত্য-এল১ৰ সৌৰ বতাহৰ কণা পৰীক্ষা পেলোডৰ দ্বিতীয়টো যন্ত্ৰই কাম কৰিবলৈ আৰম্ভ কৰিছে। ভাৰতীয় মহাকাশ গৱেষণা সংস্থা চমুকৈ ইছৰোৱে শনিবাৰে পুৱা ছ’চিয়েল মিডিয়া প্লেটফৰ্মত এই তথ্য শ্বেয়াৰ কৰে। ইয়াত কোৱা হৈছে যে সৌৰ বতাহৰ কণা পৰীক্ষা (এএছপিইএক্স) পেলোডত থকা দ্বিতীয়টো যন্ত্ৰ ছ’লাৰ উইণ্ড আয়ন স্পেকট্ৰ’মিটাৰ (এছডব্লিউআইএছ) এতিয়া কাৰ্যক্ষম হৈ উঠিছে।
হিষ্টোগ্ৰামত যোৱা দুদিনত এছডব্লিউআইএছ দ্বাৰা ধৰা পৰা প্ৰ’টন আৰু আলফা কণিকাৰ সংখ্যাৰ শক্তিৰ তাৰতম্য দেখুওৱা হৈছে। শেহতীয়াকৈ ইছৰোৰ অধ্যক্ষ এছ সোমনাথে কৈছিল যে ভাৰতৰ প্ৰথম মহাকাশ অভিযানৰ অধীনত সূৰ্য্য অধ্যয়নৰ অধীনত উৎক্ষেপণ কৰা ‘আদিত্য এল ১’ মহাকাশযানখন চূড়ান্ত পৰ্যায়ৰ ওচৰ চাপিছে আৰু এল ১ পইণ্টত প্ৰৱেশৰ প্ৰক্ৰিয়া ৭ জানুৱাৰীত সম্পূৰ্ণ হ’ব। এই মহাকাশযানখনে ১২৫ দিনত পৃথিৱীৰ পৰা প্ৰায় ১৫ লাখ কিলোমিটাৰ দূৰত্ব অতিক্ৰম কৰাৰ পাছত লেগ্ৰেঞ্জিয়ান বিন্দু ‘এল১’ৰ চাৰিওফালে প্ৰভা কক্ষপথত স্থাপন কৰা হ’ব।
হিন্দুস্থান সমাচাৰ/বিজয়লক্ষ্মী/মনোজ/অৰবিন্দ
