-আন্তঃৰাষ্ট্ৰীয় গীতা মহোৎসৱত সন্ত সন্মিলন সম্বোধন শ্বাহৰ
-মুখ্যমন্ত্ৰীৰ প্ৰধানমন্ত্ৰী আৰু গৃহমন্ত্ৰীক আধুনিক ভাৰতৰ লৌহ পুৰুষ আখ্যা
চণ্ডীগড়, ২২ ডিছেম্বৰ (হি.স.)। কেন্দ্ৰীয় গৃহমন্ত্ৰী অমিত শ্বাহে কয় যে গীতা এখন গ্ৰন্থ য’ত বিশ্বৰ সকলো সমস্যাৰ সমাধান আছে। গীতাক অনুসৰণ কৰিলে বহুতো ডাঙৰ ডাঙৰ সমস্যা সমাধান কৰিব পাৰি।
কেন্দ্ৰীয় মন্ত্ৰী শ্বাহে শুকুৰবাৰে কুৰুক্ষেত্ৰত অনুষ্ঠিত আন্তঃৰাষ্ট্ৰীয় গীতা জয়ন্তী মহোৎসৱত আয়োজিত সন্ত সন্মিলনত ভাষণ প্ৰদান কৰে। শ্বাহে কয় যে পাঁচ হাজাৰ বছৰৰ আগতে পবিত্ৰ কুৰুক্ষেত্ৰৰ ভূমিত ভগৱান শ্ৰীকৃষ্ণই ধৰ্ম প্ৰতিষ্ঠাৰ বাবে গীতা প্ৰচাৰ কৰি সমগ্ৰ মানৱ জাতিৰ প্ৰতি এক নতুন পথ দেখুৱাইছিল। যদি আমি গীতাৰ জ্ঞান বিয়পোৱাত সফল হওঁ তেন্তে কেতিয়াও যুদ্ধ হ’ব নোৱাৰে। ২০১৪ চনত প্ৰধানমন্ত্ৰী নৰেন্দ্ৰ মোডী ইয়ালৈ আহি বিশ্বজুৰি গীতাৰ প্ৰচাৰৰ বাৰ্তা প্ৰদান কৰে বুলিও তেওঁ কয়। ইয়াৰ পিছতে হাৰিয়ানাৰ মনোহৰ চৰকাৰ আৰু স্বামী জ্ঞান আনন্দজী মহাৰাজে বহু দেশত গীতা জয়ন্তীৰ ভৱ্য উদযাপনৰ আয়োজন কৰিছে আৰু এই অনুষ্ঠানে এতিয়া আন্তঃৰাষ্ট্ৰীয় ৰূপ ধাৰণ কৰিছে।
গৃহমন্ত্ৰীগৰাকীয়ে কয় যে বিজেপিৰ মতাদৰ্শই সংস্কৃতিক প্ৰসাৰিত কৰে। যোৱা ৯ বছৰৰ ভিতৰত কেন্দ্ৰ আৰু হাৰিয়ানাৰ চৰকাৰে গীতাৰ শিক্ষা অনুসৰণ কৰি শাসন ব্যৱস্থা চলোৱাই নহয়, সাধাৰণ মানুহৰ মাজত পাৰস্পৰিক ভাতৃত্ববোধো অধিক শক্তিশালী কৰি তুলিছে। কেন্দ্ৰীয় চৰকাৰে ৩৭০ অনুচ্ছেদ বিলুপ্ত কৰি কাশ্মীৰক চিৰদিনৰ বাবে ভাৰতৰ অংগ কৰি তুলিছে। হাৰিয়ানা চৰকাৰেও কেন্দ্রৰ আঁচনিসমূহ প্রথমে ৰূপায়ণ কৰি সমাজৰ অন্তিম মূৰত থিয় হৈ থকা লোকসকলক সুবিধা প্ৰদানৰ বাবে কাম কৰি আহিছে ৷
ইয়াৰ পূৰ্বে কুৰুক্ষেত্ৰত উপস্থিত হোৱাৰ লগে লগে কেন্দ্ৰীয় মন্ত্ৰী অমিত শ্বাহক হাৰিয়ানাৰ মুখ্যমন্ত্ৰী মনোহৰ লালে আদৰণি জনায়। মনোহৰ লালে কয় যে কেইবা হাজাৰ বছৰৰ আগতে দিয়া গীতাৰ বাৰ্তা আজিও চিৰন্তন। ২০১৬ চনৰ পৰা আৰম্ভ হোৱা এই অনুষ্ঠানটোৱে এতিয়া আন্তঃৰাষ্ট্ৰীয় ৰূপ ধাৰণ কৰিছে। স্বাধীনতাৰ পিছত দেশত কিছু প্ৰত্যাহ্বান আহিছিল বুলিও মুখ্যমন্ত্ৰীয়ে কয়। চৰ্দাৰ বল্লভভাই পেটেলে দেশৰ ৰাজকীয় ৰাজ্যসমূহক একত্ৰিত কৰি বিশ্বৰ সৰ্ববৃহৎ গণতন্ত্ৰৰ সৃষ্টি কৰিছিল।
মুখ্যমন্ত্রী সোণোৱালে কয় যে ৰাম মন্দিৰ নির্মাণ, অনুচ্ছেদ ৩৭০ আদি বিষয়বোৰ আছিল যদিও প্রধানমন্ত্রী নৰেন্দ্র মোদীৰ নেতৃত্বত গৃহমন্ত্রী অমিত শ্বাহে সেইবোৰ সহজে সমাধান কৰিছে ৷ বিগত ৯ বছৰত কেন্দ্ৰীয় চৰকাৰে যি মনোভাৱেৰে কাম কৰিছে, সেই মনোভাৱেৰে প্ৰধানমন্ত্ৰী মোডী আৰু গৃহমন্ত্ৰী শ্বাহক আধুনিক ভাৰতৰ লৌহ পুৰুষ বুলি কোৱাটো ভুল নহ’ব বুলি মুখ্যমন্ত্ৰীয়ে কয়। কেন্দ্ৰীয় চৰকাৰে গ্ৰহণ কৰা সিদ্ধান্তই দেশক শক্তিশালী কৰাই নহয় আন্তঃৰাষ্ট্ৰীয় পৰ্যায়তো ভাৰতৰ গৌৰৱ বৃদ্ধি কৰিছে বুলিও তেওঁ কয়। এই উপলক্ষে গীতা মণিষী স্বামী জ্ঞানানন্দ মহাৰাজ, যোগগুৰু আচাৰ্য ৰামদেৱৰ উপৰি বহুতো সাধু-সন্ত আৰু মহাত্মা উপস্থিত থাকে।
হিন্দুস্থান সমাচাৰ/সঞ্জীৱ/মনোজ
