নতুন দিল্লী, ১৫ আগষ্ট (হি.স.)। দেশৰ স্বাধীনতা দিৱস উপলক্ষে শুকুৰবাৰে লালকিল্লাৰ পৰা দিয়া ভাষণত প্ৰধানমন্ত্ৰী নৰেন্দ্ৰ মোদীয়ে কয় যে ভাৰতে এখন সমৃদ্ধিশালী ৰাষ্ট্ৰ হোৱাৰ দিশত নিৰ্ণায়ক পদক্ষেপ গ্ৰহণ কৰিছে। তেওঁ যুৱক-যুৱতীসকলক কাৰিকৰী আৰু উদ্যোগিক খণ্ডত আত্মনিৰ্ভৰশীলতাক লক্ষ্য কৰি লোৱাৰ লগতে ইয়াৰ বাবে দৃঢ় প্ৰচেষ্টা চলাবলৈ আহ্বান জনায়। তেওঁ কয় যে এই প্ৰজন্মই এখন সমৃদ্ধিশালী ভাৰতৰ বাবে যি অৱদান আগবঢ়াইছিল, সেইখিনি অৱদান আগৰ প্ৰজন্মই স্বাধীন ভাৰতৰ বাবে আগবঢ়াইছিল।
প্রধানমন্ত্রীয়ে ৰাষ্ট্ৰীয় গুৰুত্বপূর্ণ ক্ষেত্রত আত্মনির্ভৰশীলতাৰ বাবে কেইবাটাও ‘আমন্ত্রণ’ আগবঢ়ায়৷ তেওঁ কয় যে ভাৰতে নিজাববীয়াকৈ গগণযান অভিযান আৰু মহাকাশ কেন্দ্ৰৰ বাবে প্ৰস্তুতি চলাইছে। মেক ইন ইণ্ডিয়াৰ অধীনত যুদ্ধ বিমানৰ বাবে জেট ইঞ্জিন দেশতেই নিৰ্মাণ কৰিব লাগে। অপাৰেটিং চিষ্টেম, চাইবাৰ ছিকিউৰিটি আৰু ছ’চিয়েল মিডিয়া প্লেটফৰ্মবোৰো ভাৰতীয় হ’ব লাগে, যাতে দেশৰ ধন-সম্পত্তি ওলাই নাযায়। কৃষকসকলক সাৰৰ সঠিক ব্যৱহাৰ কৰিবলৈ আহ্বান জনোৱাৰ লগতে বৈজ্ঞানিক উদ্যোগপতিসকলক দেশৰ প্ৰয়োজন অনুসৰি সাৰ প্ৰস্তুত কৰাত সহযোগিতা কৰিবলৈ আহ্বান জনায়। তেওঁ কয় যে ইভি বেটাৰী আৰু ছ’লাৰ পেনেলও দেশতে নিৰ্মাণ কৰিব লাগে।
ভাৰতৰ শেহতীয়া সাফল্যৰ কথা উল্লেখ কৰি প্ৰধানমন্ত্ৰীয়ে কয় যে কোভিড কালত দেশখনে ভেকচিন আৰু ডিজিটেল প্লেটফৰ্ম তৈয়াৰ কৰি নিজৰ সামৰ্থ্য প্ৰমাণ কৰিছে। অৰ্ধপৰিবাহী খণ্ডৰ অগ্ৰগতিৰ তথ্য দি তেওঁ কয় যে ছটা অৰ্ধপৰিবাহী ইউনিটক সেউজ সংকেত দিয়া হৈছে আৰু ভাৰতত নিৰ্মিত অৰ্ধপৰিবাহী চিপ এই বছৰ বজাৰত উপলব্ধ হ’ব। তেওঁ উৎপাদন খণ্ডত ‘কম মূল্য আৰু অধিক শক্তি’ৰ চিন্তাধাৰাৰে আগবাঢ়ি যোৱা আৰু প্ৰতিযোগিতামূলক ক্ষমতা বৃদ্ধি কৰাৰ প্ৰয়োজনীয়তাৰ ওপৰত গুৰুত্ব আৰোপ কৰে।
—————
—————
হিন্দুস্থান সমাচাৰ / মনোজ কুমাৰ শইকীয়া
