ইম্ফল, ২৫ অক্টোবৰ (হি.স.)। সংঘৰ্ষ জৰ্জৰ মণিপুৰৰ সাম্প্ৰতিক পৰিস্থিতি সন্দৰ্ভত মঙলবাৰে ৰাষ্ট্ৰীয় স্বয়ংসেৱক সংঘ (আৰএছএছ)ৰ প্ৰতিষ্ঠা দিৱসৰ দিনা মুৰব্বী ডা০ মোহন ভাগৱতৰ মন্তব্যৰ প্ৰতিক্ৰিয়া প্ৰকাশ কৰি খিলঞ্জীয়া জনজাতি নেতা মঞ্চ (আইটিএলএফ)ই উত্তৰ-পূব ৰাজ্যখনত সংঘটিত হোৱা জাতিগত হিংসাৰ বাবে ৰাজ্যৰ মুখ্যমন্ত্ৰী এন বীৰেন সিঙৰ বিৰুদ্ধে অভিযোগ উত্থাপন কৰে।
মণিপুৰ সংকটৰ সন্দৰ্ভত মঙলবাৰে মহাৰাষ্ট্ৰৰ নাগপুৰৰ ৰেশিমবাঘ খেলপথাৰত বাৰ্ষিক বিজয়দশমী উদযাপনত ভাষণ দি ৰাষ্ট্ৰীয় স্বয়ংসেৱক সংঘৰ মুৰব্বী ডা০ মোহন ভাগৱতে কয় যে এই হিংসাত্মক পৰিস্থিতিত কিছু বিচ্ছিন্নতাবাদী বাহিনী জড়িত হৈ আছে। কুকি আৰু মেইটেই দুয়োটা গোটে বছৰ বছৰ ধৰি তাত শান্তিপূৰ্ণভাৱে বাস কৰিছিল যদিও সীমান্ত অঞ্চলত সমস্যাৰ উদ্ভৱ হৈছিল বুলিও তেওঁ কয়।
আই টি এল এফৰ জ্যেষ্ঠ নেতা তথা মুখপাত্ৰ গিঞ্জা ভুৱেলজঙে কয় যে বিজেপি আৰু বীৰেন সিং চৰকাৰ ক্ষমতালৈ অহাৰ আগৰ আটাইকেইটা বছৰত সংখ্যাগৰিষ্ঠ মেইটেই আৰু কুকি-জো জনজাতিৰ মাজত কোনো ধৰণৰ সংঘৰ্ষ হোৱা নাছিল।
ভূৱেলজঙে কয় যে সশস্ত্ৰ বাহিনী (বিশেষ ক্ষমতা) আইন (এএফএছপিএ-আফস্পা) শেহতীয়াকৈ কেৱল মেইটেই প্ৰধান জিলাতহে আঁতৰোৱা হৈছে আৰু জনজাতীয় অঞ্চলত নহয় আৰু এইটো বিভ্ৰান্তিকৰ কাৰণ ইম্ফল উপত্যকাত চৰকাৰী সমৰ্থনপুষ্ট সন্ত্ৰাসবাদী সংগঠনে কাম কৰাৰ বিপৰীতে পাহাৰত থকা সশস্ত্ৰ সংগঠনসমূহৰ কাৰ্য্যকলাপৰ ৰাজ্য আৰু কেন্দ্ৰৰ সৈতে বুজাবুজিমতে নিলম্বিত হৈ আছে ।
আইটিএলএফে নেতাগৰাকীয়ে লগতে প্ৰশ্ন কৰে যে বন আইন অনুসৰি আইনখনে নিৰ্ধাৰণ কৰা পদ্ধতি অনুসৰণ নকৰাকৈ তথা অংশীদাৰসকলৰ পৰামৰ্শ লোৱাটোও অন্তৰ্ভুক্ত থকা সত্ত্বেও কিয় “ভাৰতীয় বন আইন, ১৯২৭ৰ অধীনত “সংৰক্ষিত” আৰু “সুৰক্ষিত” বনাঞ্চলৰ সন্দৰ্ভত ১৯৬৬ চনৰ চৰকাৰী অধিসূচনা ২০২৩ চনত হঠাতে কিয় কাৰ্যকৰী কৰা হ’ল ?”
তেওঁ কয় যে কুকি-জো জনজাতীয়সকলক “অবৈধ অনুপ্ৰৱেশকাৰী” বুলি ৰাজ্যিকভাৱে ব্ৰেণ্ডিং কৰা তথা ৰাজ্যখনৰ ড্ৰাগছৰ ভাবুকিৰ বাবে জনজাতীয়সকলক দোষাৰোপ কৰি মেইটেই সম্প্ৰদায়ৰ অনুসূচিত জনজাতি (এছ টি) মৰ্যাদাৰ দাবী হঠাতে পুনৰুজ্জীৱিত কৰা হয় ।
হিন্দুস্থান সমাচাৰ/মনোজ/অৰবিন্দ
