নতুন দিল্লী, ২৬ নৱেম্বৰ (হি.স.)। আজি সমগ্ৰ দেশত সংবিধান দিৱস উদযাপন কৰা হৈছে। ভাৰতে ১৯৪৯ চনৰ ২৬ নৱেম্বৰত নতুন সংবিধান গ্ৰহণ কৰে। কিন্তু কিছু বছৰ আগলৈকে কেৱল গণৰাজ্য দিৱস (২৬ জানুৱাৰী), ১৯৫০ চনত আমাৰ সংবিধান বলবৎ হোৱা দিনটোহে অতি উৎসাহেৰে পালন কৰা হৈছিল। কেন্দ্ৰীয় আইন মন্ত্ৰালয়ে দেশৰ প্ৰধান আইন প্ৰতিষ্ঠানৰ সহযোগত আজি নতুন দিল্লীৰ বিজ্ঞান ভৱনত সংবিধান দিৱসৰ এক বৃহৎ অনুষ্ঠানৰ আয়োজন কৰিছে, ভাৰতৰ উপ-ৰাষ্ট্ৰপতি জগদীপ ধনখৰ বিশেষ অতিথি হিচাপে উপস্থিত থাকিব।
কেন্দ্ৰত নৰেন্দ্ৰ মোডী চৰকাৰ ক্ষমতালৈ অহাৰ পিছত ২০১৫ চনত সংবিধান দিৱস উদযাপন আৰম্ভ হৈছিল। এই ধাৰাটোৰ পৰাই এই সত্যটো পোহৰলৈ আহিল যে ২৬ নৱেম্বৰত সংবিধানসভাই আমাৰ সংবিধানখন মানি লৈছিল। ২০১৫ চনৰ পৰা সমগ্ৰ দেশতে সংবিধান সন্দৰ্ভত অনুষ্ঠান আৰম্ভ হৈছে। বিশেষকৈ মহাবিদ্যালয় আৰু বিদ্যালয়ত সংবিধানক লৈ তর্ক প্ৰতিযোগিতা আৰু কুইজ আদিৰ আয়োজন আৰম্ভ হৈছে। ইয়াত সংবিধানৰ গুৰুত্ব, ইয়াৰ উপযোগিতা, বৈশিষ্ট্যৰ লগতে ড° আম্বেদকাৰৰ অৱদানৰ বিষয়েও আলোচনা কৰা হৈছে। সংবিধান সভা আৰু ইয়াৰ কাৰ্য্যবিধিও আলোচনাৰ বিষয় হ’বলৈ আৰম্ভ কৰিছে।
সংবিধান দিৱসৰ প্ৰতি লক্ষ্য ৰাখি আজি ৰাজনীতিবিদসকলে টুইটাৰযোগে অভিনন্দন বাৰ্তা প্ৰদান কৰিছে।
হিন্দুস্থান সমাচাৰ / জিতেন্দ্ৰ/মনোজ
