– ধ্বংসাৱশেষ দোকান-পোহাৰ আৰু বহু ঘৰত প্ৰৱেশ, বাহন পুতি থোৱা, সাহায্য আৰু উদ্ধাৰৰ কামত নিয়োজিত দল
ডেৰাডুন, ২৩ আগষ্ট (হি.স.)। উত্তৰাখণ্ডৰ বৰষুণৰ ধ্বংসলীলা বন্ধ হোৱা নাই। চামোলী জিলাৰ থাৰালী তহচিল এলেকাৰ টুনৰি গাডেৰাত শুকুৰবাৰে মাজনিশা ডাৱৰ বিস্ফোৰণৰ ফলত ব্যাপক ধ্বংসলীলা সংঘটিত হয়। ইয়াৰ থাৰালী বজাৰ আৰু ইয়াৰ আশে-পাশে থকা অঞ্চলত গধুৰ ধ্বংসাৱশেষ পৰিল। ধ্বংসাৱশেষৰ ফলত এছডিএমৰ বাসগৃহকে ধৰি বহু ঘৰৰ ক্ষতিসাধন হয়। দোকানবোৰ ধ্বংসাৱশেষেৰে ভৰি পৰিছিল। ধ্বংসাৱশেষৰ তলত বহু গাড়ীও পুতি থোৱা হয়। ধ্বংসাৱশেষৰ তলত পুতি থোৱাৰ বাবে এগৰাকী কণমানি ছোৱালীৰ মৃত্যু হোৱাৰ বিপৰীতে এজন লোক নিৰুদ্দেশ হোৱাৰ খবৰ পোৱা গৈছে। স্থানীয় প্ৰশাসন আৰু দুৰ্যোগ ব্যৱস্থাপনা দলে উদ্ধাৰৰ কামত নিয়োজিত হৈ আছে।
মুখ্যমন্ত্রীৰ কার্যালয়ৰ তথ্য অনুসৰি ৰাজ্যিক দুর্যোগ প্রতিক্রিয়া বাহিনী (এছডিআৰএফ) আৰু ৰাষ্ট্রীয় দুর্যোগ প্রতিক্রিয়া বাহিনী (এনডিআৰএফ)ৰ দল দুর্যোগ এলেকালৈ ৰাওনা হৈছে । ইয়াৰ উপৰিও যোশিমাঠৰ পৰা চিকিৎসা দল মোতায়েন কৰা হৈছে। ভাৰতীয় সেনাৰ পদাতিক বেটেলিয়নৰ এটা দলো পুৱা ৰুদ্ৰপ্ৰয়াগৰ পৰা ৰাওনা হৈছে।
ধ্বংসাৱশেষৰ তলত পোত খাই থকা কিশোৰীগৰাকীৰ মৃত্যুত শোক প্ৰকাশ কৰি মুখ্যমন্ত্ৰী পুষ্কৰ সিং ধামীয়ে নিৰুদ্দেশ হোৱা ব্যক্তিজনৰ সুৰক্ষা আৰু মংগলৰ কামনা কৰে। মুখ্যমন্ত্ৰীৰ নিৰ্দেশত আৰক্ষী, দুৰ্যোগ ব্যৱস্থাপনা বিভাগ আৰু জিলা প্ৰশাসনৰ দল উপস্থিত হৈ উদ্ধাৰ আৰু সাহায্যৰ কামত নিয়োজিত হৈছে।
ক্ষতিৰ তথ্য লোৱা মুখ্যমন্ত্ৰীয়ে, শোক প্ৰকাশ
মুখ্যমন্ত্রী ধামীয়ে চামোলী জিলাৰ জনপ্ৰতিনিধিৰ সৈতে ফোনযোগে বাৰ্তালাপ কৰি ডাৱৰ বিস্ফোৰণৰ ফলত হোৱা ক্ষয়-ক্ষতিৰ বিষয়ে সোধা-পোছা কৰে। এই দুৰ্যোগক লৈ শোক প্ৰকাশ কৰি মুখ্যমন্ত্ৰীয়ে সকলো জনপ্ৰতিনিধিক জিলা প্ৰশাসনৰ সৈতে সাহায্য আৰু উদ্ধাৰ অভিযানত সহযোগিতা আগবঢ়াবলৈ অনুৰোধ জনাইছে। ইয়াৰ সমান্তৰালকৈ স্থানীয় বিধায়কগৰাকীৰ সৈতে কথা পাতি তেওঁ থিতাতে থাকি সাহায্য আৰু উদ্ধাৰ অভিযান শাৰীৰিকভাৱে পৰিদৰ্শন কৰিব বুলি আশা কৰিছে।
ইয়াৰ পূৰ্বে মুখ্যমন্ত্ৰী ধামীয়ে এই ঘটনাক লৈ শোক প্ৰকাশ কৰি ছ’চিয়েল মিডিয়া এক্সত লিখিছে, চামোলি জিলাৰ থাৰালি অঞ্চলত গভীৰ নিশা ডাৱৰ বিস্ফোৰণৰ দুখৰ খবৰ পোৱা গৈছে। জিলা প্ৰশাসন, এছ ডি আৰ এফ, আৰক্ষীয়ে সেই স্থানত উপস্থিত হৈ সাহায্য আৰু উদ্ধাৰ অভিযানত লিপ্ত হৈছে। এই সন্দৰ্ভত মই স্থানীয় প্ৰশাসনৰ সৈতে অহৰহ যোগাযোগত আছো আৰু নিজেও পৰিস্থিতিৰ ওপৰত তীক্ষ্ণ দৃষ্টি ৰাখিছো ।”
हिन्दुस्थान समाचार / মনোজ কুমাৰ শইকীয়া
