কাঠমাণ্ডু, ১৯ আগষ্ট (হি স)। নেপালী সংসদৰ প্ৰতিনিধি সদনৰ উপাধ্যক্ষ ইন্দিৰা ৰাণা মাগৰৰ বিৰুদ্ধে অভিযোগনামা দাখিলৰ বাবে প্ৰস্তুতি চলাই মঙলবাৰে শাসকীয় সমষ্টিৰ দলসমূহে সংসদীয় দলৰ জৰুৰী বৈঠক আহ্বান কৰে। এই বৈঠকত অংশগ্ৰহণ কৰা সাংসদসকলক সাধাৰণ কাগজত চহী কৰিবলৈ কোৱা হৈছে।
শাসকীয় নেপালী কংগ্ৰেছ (এনচি) আৰু চিপিএন-ইউএমএলৰ জৰুৰী বৈঠকত অংশগ্ৰহণ কৰা সাংসদসকলে কয় যে এই স্বাক্ষৰ গ্ৰহণ কৰি উপ অধ্যক্ষ ইন্দিৰা ৰাণা মাগাৰক পদৰ পৰা অপসাৰণ কৰা হৈছে। নেপালী কংগ্ৰেছৰ এগৰাকী সাংসদৰ মতে, দলৰ সদস্যসকলক পুৱা ১০ বজাৰ পৰা দুপৰীয়া ২ বজাৰ ভিতৰত সংসদীয় দলৰ কাৰ্যালয়ত হাজিৰ হ’বলৈ নিৰ্দেশ দিয়া হৈছে। একেদৰে ইউএমএলৰ মুখ্য সতক মহেশ বৰতৌলাইও স্বীকাৰ কৰে যে সকলো সাংসদকে অভিযোগনামা প্রস্তাৱত স্বাক্ষৰ কৰিবলৈ নির্দেশ দিয়া হৈছে৷
উপ অধ্যক্ষ ৰানা মাগৰৰ বিৰুদ্ধে বিভিন্ন ব্যক্তিৰ বাবে আমেৰিকাৰ ভিছা আবেদনৰ সমৰ্থনত সংসদ সচিবালয়ৰ লেটাৰহেডত পৰামৰ্শ পত্ৰ জাৰি কৰাৰ অভিযোগ উত্থাপন হৈছে । ইয়াৰ পূৰ্বেও শাসকীয় দলটোৱে অভিযোগনামা দাখিলৰ প্ৰস্তাৱ আনিছিল যদিও শাসকীয় মিত্ৰজোঁটৰ সৰু সৰু দলৰ বিৰোধিতাত প্ৰত্যাহাৰ কৰা হয়।
বৰ্তমান শাসকীয় মিত্ৰজোঁটৰ প্ৰধান সমষ্টি দুটা নেপালী কংগ্ৰেছ (৮৮) আৰু ইউএমএল (৭৯)ৰ মুঠ ১৬৭ জন সাংসদ আছে। ২৭৫ জনীয়া প্ৰতিনিধি সদনত অভিযোগনামা গৃহীত কৰিবলৈ দুই তৃতীয়াংশ সদস্যৰ সমৰ্থনৰ প্ৰয়োজন। অৰ্থাৎ শাসকীয় দলটোক আৰু ১৬ জন সাংসদৰ সমৰ্থনৰ প্ৰয়োজন। ইয়াৰে জনতা সমাজবাদী পাৰ্টিৰ ৭ জন সাংসদ আৰু চৰকাৰৰ অংশ ডেম’ক্ৰেটিক সমাজবাদী পাৰ্টিৰ ৪ জন সাংসদে সমৰ্থন কৰাৰ সিদ্ধান্ত লৈছে। বাকী ৫ জন সাংসদৰ বাবে জনমত পাৰ্টিৰ ৬ জন সাংসদৰ সৈতে আলোচনা চলি আছে।
हिन्दुस्थान समाचार / মনোজ কুমাৰ শইকীয়া
