কাঠমাণ্ডু, ২৪ জুলাই (হি.স.)। নেপালৰ প্ৰাক্তন ৰাষ্ট্ৰপতি বিদ্যা ভাণ্ডাৰীৰ দলীয় সদস্যপদ বাতিল কৰা হৈছে। নেপাল কমিউনিষ্ট পাৰ্টি (ইউনিফাইড মাৰ্ক্সবাদী-লেনিনবাদী) অৰ্থাৎ চিপিএন-ইউএমএলৰ কেন্দ্ৰীয় সমিতিৰ বৈঠকৰ সিদ্ধান্তৰ পিছতে তেওঁৰ দলৰ সদস্যপদ বাতিল কৰা হৈছে।
শেহতীয়াকৈ প্ৰাক্তন ৰাষ্ট্ৰপতি বিদ্যা ভাণ্ডাৰীয়ে চিপিএন-ইউএমএলৰ সদস্যপদ গ্ৰহণ কৰিছিল। কেৱল এয়াই নহয়, যোৱা বছৰ আৰু চলিত বৰ্ষতো তেওঁ দলৰ সদস্যপদ নবীকৰণ কৰিছিল যদিও দলৰ কেন্দ্ৰীয় সমিতিৰ বৈঠকত প্ৰাক্তন ৰাষ্ট্ৰপতি ভাণ্ডাৰীক সক্ৰিয় ৰাজনীতিত প্ৰৱেশ কৰিবলৈ নিদিয়াৰ সিদ্ধান্ত লোৱাৰ পিছত তেওঁৰ সদস্যপদ বাতিল কৰা হৈছে।
এই তথ্য দি চিপিএন ইউএমএলৰ সাধাৰণ সম্পাদক শংকৰ পোখৰেলে কয় যে তিনিদিনীয়া কেন্দ্ৰীয় সমিতিৰ বৈঠকত প্ৰাক্তন ৰাষ্ট্ৰপতিগৰাকীৰ সক্ৰিয় ৰাজনীতিত প্ৰৱেশৰ নিষেধাজ্ঞা আৰোপ কৰাৰ পিছত তেওঁৰ সদস্যপদ বাতিল কৰা হৈছে। পোখৰেলে কয় যে দলৰ ৱেবছাইটত সক্ৰিয় সদস্যপদৰ তালিকাৰ পৰাও তেওঁৰ নাম আঁতৰোৱা হৈছে।
প্ৰাক্তন ৰাষ্ট্ৰপতি বিদ্যা ভাণ্ডাৰীয়ে কাঠমাণ্ডুত এক কাৰ্যসূচী আয়োজন কৰি দলৰ সভাপতি তথা প্ৰধানমন্ত্ৰী কে পি শৰ্মা অলিৰ সন্মুখত সক্ৰিয় ৰাজনীতিত প্ৰৱেশৰ কথা ঘোষণা কৰিছিল।
हिन्दुस्थान समाचार / মনোজ কুমাৰ শইকীয়া
