ছিউল (দক্ষিণ কোৰিয়া), ১৬ নৱেম্বৰ (হি স)। আমেৰিকাৰ নৌসেনাৰ মুৰব্বী এডমিৰেল ডেৰিল ক’ডেলে কয় যে চীনৰ আগ্ৰাসনক ৰোধ কৰিবলৈ যৌথ প্ৰচেষ্টাৰ প্ৰয়োজন। দক্ষিণ কোৰিয়াৰ পাৰমাণৱিক শক্তিচালিত আক্ৰমণাত্মক চাবমেৰিনে এই ক্ষেত্ৰত সহায় কৰিব, আৰু ভৱিষ্যতে ইয়াৰ নিয়োগ স্বাভাৱিক। তেওঁ আস্থা প্ৰকাশ কৰে যে এনে সামৰ্থ্যই ভাৰত-প্ৰশান্ত মহাসাগৰীয় অঞ্চলত মিত্ৰশক্তিৰ কৌশলগত সহযোগিতাক আৰু অধিক শক্তিশালী কৰিব।
দ্য কোৰিয়া হেৰাল্ড কাকতৰ মতে, ছিউল আৰু ৱাশ্বিংটনৰ পৰা দ্বিপাক্ষিক তথ্যপত্ৰ প্ৰকাশ পোৱাৰ পিছত ইয়াত এখন সংবাদমেলত ডেৰিল ক’ডলে এই মন্তব্য প্ৰকাশ কৰিছে। ইয়াৰ পূৰ্বে শুকুৰবাৰে ছিউলত আমেৰিকাৰ নৌসেনাৰ মুৰব্বী এডমিৰেল ডেৰিল ক’ডেলে দক্ষিণ কোৰিয়াৰ সমকক্ষ এডমিৰেল কাং ডং-গিলৰ সৈতে আলোচনাত মিলিত হয়। ছিউলত সাংবাদিকৰ এটা দলক ক’ডেলে কয় যে দক্ষিণ কোৰিয়াই পাৰমাণৱিক শক্তিচালিত আক্ৰমণাত্মক ছাবমেৰিন নিয়োগ কৰাৰ পিছত চীনক প্ৰতিহত কৰাৰ বাবে কৰা বিস্তৃত পৰিকল্পনাত এইবোৰে ভূমিকা ল’ব বুলি আশা কৰিছে।
ৱাশ্বিংটনে চীনৰ আগ্ৰাসী কাৰ্যক দীৰ্ঘম্যাদী নিৰাপত্তাজনিত এক বৃহৎ প্ৰত্যাহ্বান বুলি গণ্য কৰিছে। তেওঁ কয়, মই ভাবো যে চীনক প্ৰতিহত কৰিবলৈ সেই চাবমেৰিনখন ব্যৱহাৰ কৰাটো এটা স্বাভাৱিক আশা।
আমেৰিকাই আশা কৰিছে যে এই অংশীদাৰিত্বই মিত্ৰতা হিচাপে কাম কৰাৰ লগতে আমাৰ যৌথ লক্ষ্যত উপনীত হ’ব। মই ভাবো বহু পৰিমাণে কোৰিয়াইও চীনৰ উদ্বেগক ভাগ কৰে। ২৯ অক্টোবৰত ৰাষ্ট্ৰপতি লি জে-মিউং আৰু আমেৰিকাৰ ৰাষ্ট্ৰপতি ড’নাল্ড ট্ৰাম্পৰ মাজত হোৱা সন্মিলনৰ সময়ত হোৱা চুক্তিৰ বিশদ বিৱৰণীৰে চিউল আৰু ৱাশ্বিংটনে দ্বিপাক্ষিক তথ্যপত্ৰ প্ৰকাশ কৰাৰ পিছতে তেওঁৰ এই মন্তব্য। এই তথ্যপত্ৰখনত পাৰমাণৱিক চালিত চাবমেৰিন নিৰ্মাণৰ বাবে ছিউলৰ প্ৰচেষ্টাৰ প্ৰতি ৱাশ্বিংটনৰ সমৰ্থনও অন্তৰ্ভুক্ত কৰা হৈছে।
ক’ডেলে কয় যে দক্ষিণ কোৰিয়াৰ আগন্তুক পদক্ষেপে এই মিত্ৰতাক আৰু অধিক শক্তিশালী কৰিব। ক’ডলে এই চুক্তিক দুয়োখন দেশৰ বাবে এক ঐতিহাসিক সুযোগ বুলি অভিহিত কৰে। তেওঁ কয়, আমেৰিকাই দক্ষিণ কোৰিয়াক পাৰমাণৱিক শক্তিচালিত দ্ৰুত আক্ৰমণাত্মক চাবমেৰিন নিৰ্মাণ কৰাত সহায় কৰাৰ প্ৰতিশ্ৰুতি দিছে।
পাৰমাণৱিক শক্তিচালিত চাবমেৰিন থকা দেশ আৰু গতানুগতিক চাবমেৰিন থকা দেশৰ মাজত পাৰ্থক্য বৃহৎ। পাৰমাণৱিক চালিত চাবমেৰিন বহুত বেছি সক্ষম। পানীৰ তলত দীৰ্ঘদিনীয়া লুকাই চুৰকৈ অভিযান বজাই ৰখাৰ ক্ষমতা কৌশলগত গুৰুত্বপূৰ্ণ। তেওঁ লগতে কয় যে এই দিশত আগবাঢ়ি যাবলৈ আমেৰিকাই দক্ষিণ কোৰিয়াৰ সৈতে অংশীদাৰিত্ব কৰিবলৈ ইচ্ছুক হোৱাত মই আনন্দিত। ক’ডেলে কয় যে দক্ষিণ কোৰিয়াই পাৰমাণৱিক চালিত আক্ৰমণাত্মক ছাবমেৰিন লাভ কৰিলেই তেওঁলোকৰ কৌশলগত স্থিতি শক্তিশালী হ’ব। তেওঁ লগতে কয় যে পশ্চিম প্ৰশান্ত মহাসাগৰীয় অঞ্চলত আমেৰিকা, জাপান, কোৰিয়া, অষ্ট্ৰেলিয়া আৰু অন্যান্য সমমনা নৌসেনাৰ মাজত সহযোগিতা অব্যাহত থকাটো মই বিচাৰিম।’
ক’ডেলে স্বীকাৰ কৰে যে ৱাশ্বিংটনে “জাহাজ নিৰ্মাণ ক্ষমতাৰ গুৰুতৰ প্ৰত্যাহ্বান”ৰ সন্মুখীন হৈছে আৰু এই ক্ষেত্ৰত দক্ষিণ কোৰিয়াৰ বিনিয়োগে অতি সহায়ক হ’ব পাৰে বুলি আশা প্ৰকাশ কৰে। উত্তৰ কোৰিয়াৰ শেহতীয়া পৰীক্ষা আৰু চাবমেৰিনে নিক্ষেপ কৰা বেলিষ্টিক মিছাইল নিৰ্মাণৰ সন্দৰ্ভত ক’ডেলে কয় যে পিয়ংইয়াঙে আমেৰিকাৰ বাবে নৌসেনাৰ ভাবুকি নহয় যদিও ইয়াৰ সামৰ্থ্য দক্ষিণ কোৰিয়াৰ বাবে “আঞ্চলিক ভাবুকি”।
—————
हिन्दुस्थान समाचार
