বেংকক, ২৮ জুলাই (হি.স.)। থাইলেণ্ডৰ দ্বিতীয় সেনা এলেকাৰ কমাণ্ডাৰ লেফটেনেণ্ট জেনেৰেল বুনচিন পেডক্লাঙে তেওঁৰ মৃত্যুৰ খবৰ খণ্ডন কৰিছে। দেশৰ সাৰ্বভৌমত্ব ৰক্ষাৰ বাবে থাইলেণ্ড আৰু কম্বোডিয়াৰ সীমান্তত সৈন্যৰ সৈতে যুঁজি আছে বুলিও তেওঁ কয়। কমাণ্ডাৰ পেডক্লাঙে আজি কয় যে কম্বোডিয়াই তেওঁক কম্বোডিয়াৰ বাহিনীয়ে হত্যা কৰা বুলি উৰাবাতৰি বিয়পাই থাইলেণ্ডৰ সৈনিকৰ মনোবল হেৰুৱাবলৈ চেষ্টা কৰিছে।
থাইলেণ্ডৰ কাকত দ্য নেচনৰ খবৰ অনুসৰি বুনচিনে কয় যে কম্বোডিয়াইও ফটোখনৰ লগত হেতালি খেলিছে। তেওঁ কয়, মই এতিয়াও সীমান্তত আছো। মই মোৰ জনসাধাৰণক সুৰক্ষা দিবলৈ থাইলেণ্ড-কম্বোডিয়া সীমান্ত অঞ্চলত থাইলেণ্ডৰ সৈন্যৰ সৈতে যুঁজি আছো। পৰিস্থিতিৰ উন্নতি নোহোৱালৈকে মই দেশৰ সাৰ্বভৌমত্ব ৰক্ষা কৰি যাম।
ইফালে, থাইলেণ্ডৰ সশস্ত্ৰ বাহিনীৰ মুখপাত্ৰ মেজৰ জেনেৰেল ভিথাই লাথমীয়ে কম্বোডিয়াৰ ৰাষ্ট্ৰীয় প্ৰতিৰক্ষা মন্ত্ৰালয়ৰ মুখপাত্ৰ লেফটেনেণ্ট জেনেৰেল মালি ছ’চেটাৰ দাবীক অস্বীকাৰ কৰিছে। ছ’চেয়াটাই থাইলেণ্ডক কম্বোডিয়াৰ সাৰ্বভৌমত্ব উলংঘা কৰি অপ্ৰৰোচিত আক্ৰমণ চলোৱাৰ অভিযোগ উত্থাপন কৰিছিল। ভিথাইয়ে এই অভিযোগ ভিত্তিহীন আৰু মিছা বুলি খাৰিজ কৰে।
চুৰিনত যুদ্ধ দুৰ্যোগৰ অঞ্চল ঘোষণা–
ক্ষতিগ্ৰস্ত সাধাৰণ নাগৰিকক সাহায্য নিশ্চিত কৰাৰ বাবে চুৰিনৰ ৰাজ্যপাল চামনান চুয়েন্টাই প্ৰদেশখনক যুদ্ধ দুৰ্যোগৰ অঞ্চল হিচাপে ঘোষণা কৰিছে। সীমান্তত ক্ৰমাৎ বৃদ্ধি পোৱা হিংসাত্মক পৰিস্থিতিৰ প্ৰতি লক্ষ্য ৰাখি দেওবাৰে চুৱেন্টাই সকলো জিলা প্ৰধান, প্ৰাদেশিক প্ৰশাসনিক সংগঠনৰ অধ্যক্ষ আৰু চুৰিন পৌৰসভাৰ মেয়ৰলৈ এক নিৰ্দেশ জাৰি কৰে। ইয়াত কোৱা হৈছে যে চুৰিন প্ৰদেশক যুদ্ধ দুৰ্যোগৰ অঞ্চল হিচাপে ঘোষণা কৰা হৈছে।
हिन्दुस्थान समाचार / মনোজ কুমাৰ শইকীয়া
