ৱাশ্বিংটন, ০৬ আগষ্ট (হি.স.)। আমেৰিকাৰ ৰাষ্ট্ৰপতি ড’নাল্ড জে ট্ৰাম্পে কয় যে ভাৰতৰ শুল্ক অতি বেছি। সেইবাবেই আমেৰিকাই ইয়াৰ সৈতে কম ব্যৱসায় কৰে। তেওঁ কয় যে সেইবাবেই ভাৰত আমেৰিকাৰ বাবে ভাল বাণিজ্যিক অংশীদাৰ নহয়। হোৱাইট হাউছে ৫ আগষ্টত ৰাষ্ট্ৰপতি ট্ৰাম্পৰ সাক্ষাৎকাৰৰ মূল অংশ চিএনবিচিক সম্প্ৰচাৰ কৰিছে। এই কথা ইয়াত কোৱা হৈছে।
ট্ৰাম্পে কয় যে ভাৰতে আমাৰ সৈতে বহু ব্যৱসায় কৰে। সেই অনুপাতত আমেৰিকাই ভাৰতৰ সৈতে অতি কম বাণিজ্য কৰে। তেওঁ কয়, সেইবাবেই মই ২৫ শতাংশ শুল্কত সন্মতি দিছো। মই ভাবো অহা ২৪ ঘণ্টাত ইয়াক বহুত বৃদ্ধি কৰিম। ভাৰতে ৰাছিয়াৰ পৰা তেল ক্ৰয় কৰিছে। কেৱল এয়াই নহয়, ভাৰতে যুদ্ধ বিমানত ইন্ধন যোগান ধৰিছে।
ৰাষ্ট্ৰপতি ট্ৰাম্পে চিএনবিচিৰ স্কোৱাক বক্সত দ্বিতীয় কাৰ্যকালৰ কৃতিত্বৰ তালিকা প্ৰস্তুত কৰাৰ সময়তে নিজৰ অগ্ৰাধিকাৰৰ তালিকাও উল্লেখ কৰে। চীনৰ সৈতে সম্পৰ্ক সন্দৰ্ভত ৰাষ্ট্ৰপতি ট্ৰাম্পে কয় যে, যদি আমি কোনো চুক্তিত উপনীত হওঁ, তেন্তে সম্ভৱতঃ বছৰৰ শেষৰ পূৰ্বে মই চীনৰ সৈতে বৈঠক কৰিম। যিয়েই নহওক, আমি চুক্তিৰ অতি ওচৰ চাপি আহিছো।
ৰাষ্ট্ৰপতিগৰাকীয়ে কয় যে বিশ্বৰ অংশীদাৰ দেশসমূহৰ সৈতে ঐতিহাসিক বাণিজ্যিক চুক্তিৰ পৰা আমেৰিকাই কোটি কোটি ডলাৰ উপাৰ্জন কৰি আছে। এই সময়ছোৱাত ট্ৰাম্পে তেওঁৰ মষ্ট ফেভাৰড নেচন ড্ৰাগ প্ৰাইচিং প্লেনৰ কথাও প্ৰচাৰ কৰে। তেওঁ কাৰ্যভাৰ গ্ৰহণ কৰাৰ পিছত বিদেশত জন্মগ্ৰহণ কৰা শ্ৰমিকৰ সংখ্যা হ্ৰাস পোৱাৰ প্ৰশংসা কৰে। ৰক্ষণশীলসকলৰ বিৰুদ্ধে বৈষম্যমূলক ব্যৱহাৰ কৰা বৃহৎ বেংকসমূহক সমালোচনা কৰে ৰাষ্ট্ৰপতিগৰাকীয়ে।
চিএনবিচিৰ তথ্য অনুসৰি ট্ৰাম্পে কয় যে অহা সপ্তাহতে নিজেই অৰ্ধপৰিবাহী আৰু চিপৰ ওপৰত নতুন শুল্ক ঘোষণা কৰিব। আমেৰিকাই বিচাৰে যে এইবোৰ দেশতে নিৰ্মাণ কৰা হওক। তেওঁ কয় যে বিশ্বৰ অধিকাংশ উন্নত অৰ্ধপৰিবাহী টাইৱানৰ পৰা আহে। তেওঁ এই পৰিকল্পনা সন্দৰ্ভত আৰু কোনো তথ্য নিদিলে।
हिन्दुस्थान समाचार / মনোজ কুমাৰ শইকীয়া
