কাঠমাণ্ডু, ১২ জুলাই (হি.স.)। নেপালৰ নাৰায়ণঘাটৰ ছিমলতালত দুখন যাত্ৰীবাহী বাছ নদীত পৰি যোৱা ঘটনাৰ এবছৰ হ’ল যদিও এতিয়ালৈকে দুয়োখন বাছ আৰু ৪০ জন যাত্ৰীৰ সন্ধান পোৱা নাই।
২০২৪ চনৰ ১২ জুলাইত ছিমলতালত দুখন বাছ সংঘৰ্ষত ত্ৰিশুলি নদীত খুন্দা মাৰে। ইয়াৰে এখন বাছ বীৰগঞ্জৰ পৰা কাঠমাণ্ডুলৈ অহাৰ বিপৰীতে আনখন বাছ কাঠমাণ্ডুৰ পৰা বীৰগঞ্জলৈ গৈ আছিল। এই বাছ দুখনত চালক সহ মুঠ ৬৩ জন লোক আছিল, ইয়াৰে ৬ জন ভাৰতীয়। দুৰ্ঘটনাৰ সময়ত তিনিজন যাত্ৰীয়ে জপিয়াই প্ৰাণ ৰক্ষা কৰে।
কিছুদিন ধৰি চলোৱা চেষ্টাৰ অন্তত উদ্ধাৰ হয় ২০ জন যাত্ৰীৰ মৃতদেহ। এই ঘটনাৰ এবছৰ হ’ল যদিও এতিয়ালৈকে বাছ দুখন পোৱা নাই আৰু বাকী ৪০ জন লোকৰ মৃতদেহও পোৱা নাই। ভাৰতৰ পৰা এন ডি আৰ এফৰ দলটোও আহি এসপ্তাহ ধৰি চেষ্টা কৰিছিল যদিও তেওঁলোকেও কোনো সফলতা লাভ কৰিব নোৱাৰিলে।
हिन्दुस्थान समाचार / মনোজ কুমাৰ শইকীয়া
