বেইজিং, ১৪ নৱেম্বৰ (হি.স.)। থাইলেণ্ডৰ ৰজা মহা বাজিৰালংকৰ্ণক বৃহস্পতিবাৰে চীনৰ ৰাষ্ট্ৰপতি জিনপিঙে ভৱ্য আদৰণি জনায়। এয়া থাই ৰাজ পৰিয়ালৰ প্ৰথম ৰাজকীয় চীন ভ্ৰমণ।
১৯৭৫ চনত দুয়োখন দেশৰ মাজত কূটনৈতিক সম্পৰ্ক স্থাপনৰ ৫০ বছৰীয়া জয়ন্তীৰ লগত সংগতি ৰাখি এই ভ্ৰমণ কাৰ্যসূচী গ্ৰহণ কৰা হৈছে।
ৰাজ্যিক সংবাদ সংস্থা জিনহুয়াই প্ৰকাশ কৰা অনুসৰি বেইজিঙত উপস্থিত হোৱাৰ লগে লগে ৰজা ভাজিৰালংকৰ্ণ আৰু তেওঁৰ পত্নী ৰাণী সুথিদাক ৰাষ্ট্ৰপতি ছি জিনপিং আৰু তেওঁৰ পত্নী পেং লিয়ুয়ানে আদৰণি জনায়। ৰজা ভূমিবোল আদুল্যাদেজৰ পিছত চীনলৈ থাইলেণ্ডৰ কোনো ৰজাৰ এয়া প্ৰথম বৃহৎ ৰাজকীয় ভ্ৰমণ। চীন আৰু থাইলেণ্ডৰ মাজত ঐতিহাসিক সম্পৰ্ক আৰু অধিক শক্তিশালী কৰাৰ ক্ষেত্ৰত এই ভ্ৰমণ তাৎপৰ্যপূৰ্ণ বুলি বিবেচিত হৈছে।
ইফালে ৰাষ্ট্ৰপতি ছি জিনপিঙে গ্ৰেট হল অৱ দ্য পিপলত থাইলেণ্ডৰ ৰজাগৰাকীক আদৰণি অনুষ্ঠানৰ আয়োজন কৰে, য’ত তেওঁক গাৰ্ড অৱ অনাৰ আৰু ২১ বন্দুকৰ চেলুট প্ৰদান কৰা হয়। এই উপলক্ষে ভাষণ দি ছিয়ে কয়, চীন থাইলেণ্ডৰ এক বিশ্বাসযোগ্য অংশীদাৰ। এই ভ্ৰমণে আমাৰ বন্ধুত্বক নতুন উচ্চতালৈ উন্নীত কৰিব। ৰজাই নিজৰ দেশ আৰু চীনৰ মাজত ভাতৃত্ববোধ আৰু ভগ্নী সম্পৰ্কৰ ওপৰতো গুৰুত্ব আৰোপ কৰে।
সন্ধিয়া ছি দম্পতীয়ে বাজিৰালংকৰ্ণৰ সন্মানত ৰাজ্যিক ভোজৰ আয়োজন কৰে, য’ত বৰ্ণিল সাংস্কৃতিক প্ৰদৰ্শন আগবঢ়োৱা হয়। এই ভ্ৰমণৰ সময়ত ৰজাই ছি জিনপিঙৰ উপৰিও প্ৰধানমন্ত্ৰী লি কেকিয়াঙৰ সৈতেও সাক্ষাৎ কৰিব। অৱশ্যে দুয়োখন দেশৰ মাজত কোনো বৃহৎ চুক্তিৰ আশা কৰা হোৱা নাই।
দক্ষিণ-পূব এছিয়াত চীনৰ ক্ৰমবৰ্ধমান ভূমিকাৰ অংশ হিচাপে চীন যোৱা বছৰ থাইলেণ্ডৰ সৰ্ববৃহৎ বাণিজ্যিক অংশীদাৰ (মুঠ ৮০ বিলিয়ন ডলাৰ আমদানি) আৰু থাইলেণ্ডৰ আগশাৰীৰ বিনিয়োগকাৰী হিচাপে পৰিগণিত হয়।
ইফালে, থাইলেণ্ডৰ প্ৰাক্তন ৰাষ্ট্ৰদূত তেজ বুন্নাগে কয় যে, আমাৰ বন্ধন শতিকা পুৰণি। চীন পৰিয়ালৰ দৰেই। এই ভ্ৰমণে আমেৰিকা-চীনৰ বাণিজ্যিক উত্তেজনাৰ মাজত থাইলেণ্ডৰ সুষম নীতিক শক্তিশালী কৰি তুলিছে। শেহতীয়াকৈ চীনে থাইলেণ্ডক ৪০ জন উইঘুৰক প্ৰত্যাৰ্পণ কৰাৰ লগতে চাইবাৰ অপৰাধ ৰোধ কৰিবলৈ হেঁচা প্ৰয়োগ কৰিছিল।
মন কৰিবলগীয়া যে ১৭ নৱেম্বৰলৈকে চলিবলগীয়া এই ভ্ৰমণৰ সময়ত থাইলেণ্ডৰ ৰজাই বেইজিং এৰ’স্পেচ চিটি আৰু লিংগুয়াং বৌদ্ধ মন্দিৰৰ দৰে স্থানসমূহো পৰিদৰ্শন কৰিব।
हिन्दुस्थान समाचार / অৰৱিন্দ
