যোৱা ২৭ অক্টোবৰত মুক্তি পাইছিল বলীউডৰ ৰাণী কংগনা ৰানাৱতৰ জনপ্ৰিয় ছবি তেজস। কিন্তু ছবিখনে বক্স অফিচত হতাশাজনক প্ৰদৰ্শন আগবঢ়াইছিল। যোৱা কেইবাদিনো ছবিখনক লৈ চৰ্চা চলিছিল। কিন্তু ছবিখনে মুক্তিৰ পাছত বক্স অফিচত যাদু সৃষ্টি কৰাত ব্যৰ্থ হোৱা যেন লাগে। বক্স অফিচত আশা কৰাতকৈ বহু কম উপাৰ্জন ‘তেজস’।
ছবিখনে মুক্তিৰ প্ৰথম আৰু দ্বিতীয় দিনাই ১.২৫ কোটি টকা সংগ্ৰহ কৰে। যদি আমি পৰিসংখ্যা চাওঁ তেন্তে ছবিখনে দুদিনত মাত্ৰ ২.৫০ কোটি টকাহে সংগ্ৰহ কৰিলে। এতিয়া তৃতীয় দিনৰ উপাৰ্জনৰ পৰিসংখ্যাও ওলাই আহিছে আৰু চালেই যেন প্ৰথম তিনিদিনত কংগনাৰ ‘তেজস’ ৪ কোটি টকাৰ সীমাও অতিক্ৰম কৰিব নোৱাৰিলে।
প্ৰথম উইকেণ্ডটো ‘তেজছ’ৰ বাবে অতি হতাশাজনক হৈ পৰিছে। ‘ছৈকনিক’ৰ প্ৰতিবেদন অনুসৰি তৃতীয় দিনা ছবিখনে মাত্ৰ ১.৩০ কোটি টকাহে উপাৰ্জন কৰে। ৬০ কোটি টকাৰ বাজেটৰ এই ছবিখনে প্ৰথম উইকেণ্ডত ৫ কোটি টকাৰ সীমাও অতিক্ৰম কৰিব নোৱাৰাটো কংগনাৰ বাবে অতিশয় চিন্তাৰ বিষয়।
প্ৰতিবেদন অনুসৰি আগন্তুক সময়ত ছবিখন নিশ্চিতভাৱে বিফল হ’ব বুলিও কোৱা হৈছে। সামগ্ৰিকভাৱে এই সংখ্যাবোৰ চালে সোমবাৰে ছবিখনে ৫৪ লাখ টকা উপাৰ্জন কৰিব।
কালি কংগনাই নিজৰ ছ’চিয়েল মিডিয়া একাউণ্টত এটা ভিডিঅ’ শ্বেয়াৰ কৰি দৰ্শকক ছবিখন চাবলৈ অনুৰোধ জনায়। ইয়াৰ বাবেই মানুহে তেওঁক বহুত ট্ৰল কৰিছে। ‘ঢাকড়’তকৈ ভাল হোৱাৰ পাছতো কংগনাৰ ‘তেজছ’ বক্স অফিচত নিজৰ অস্তিত্ব বজাই ৰাখিবলৈ নিশ্চয়কৈ কঠোৰ পৰিশ্ৰম কৰিব লাগিব।
হিন্দুস্থান সমাচাৰ/লোকেশ/মনোজ/অৰবিন্দ
