অভিনেতা, প্ৰযোজক আৰু পৰিচালক ঋষভ শ্বেট্টীয়ে পুনৰবাৰ তেওঁৰ বহু প্ৰত্যাশিত ছবি ‘কান্তৰা: অধ্যায় ১’ৰ বাবে শিৰোনাম দখল কৰিছে। শেহতীয়াকৈ ছবিখনৰ পৰা তেওঁৰ নতুন পোষ্টাৰখন মুক্তি পাইছে, য’ত ঋষভৰ উগ্ৰ আৰু অতি আকৰ্ষণীয় অৱতাৰ দেখা গৈছে। এই পোষ্টাৰখন তেওঁৰ জন্মদিনৰ বিশেষ উপলক্ষে মুকলি কৰা হৈছিল, যিটো তেওঁৰ অনুৰাগীৰ বাবে উপহাৰতকৈও কম নাছিল। এই পোষ্টাৰখনে ছবিখনৰ প্ৰতি দৰ্শকৰ কৌতুহল আৰু অধিক বৃদ্ধি কৰিছে। যদি বাতৰিবোৰ বিশ্বাস কৰিব লাগে তেন্তে এইবাৰ ঋষভৰ চৰিত্ৰটো পূৰ্বতকৈ অধিক তীব্ৰ, ৰহস্যময় আৰু ভয়ংকৰ শৈলীত দেখা যাব।
ছবিখনৰ প্ৰডাকচন কোম্পানী হোম্বলে ফিল্মছে ‘কান্তৰা: অধ্যায় ১’ৰ পোষ্টাৰখন শ্বেয়াৰ কৰি লিখিছে, “য’ত কিংবদন্তিৰ উৎপত্তি হয় আৰু অৰণ্যৰ অনুৰণিত গৰ্জনে সকলো ফালি পেলায়, তাতেই কান্তৰাৰ জন্ম হয়।” লাখ লাখ দৰ্শকৰ হৃদয় চুই যোৱা মহাকাব্যখনৰ আৰম্ভণি। পোষ্টাৰখনত ঋষভ শ্বেট্টীক জন্মদিনৰ শুভেচ্ছাও জনায়, আৰু তেওঁক এই কিংবদন্তিৰ আঁৰৰ ‘অগ্ৰণী শক্তি’ বুলি অভিহিত কৰা হৈছে। ২০২৫ চনৰ ২ অক্টোবৰত বিশ্বজুৰি চিনেমা হলত মুক্তি পাব বুলি ঘোষণা কৰাত অনুৰাগীৰ কৌতুহল আৰু বাঢ়ি গ’ল।পোষ্টাৰত ঋষভৰ মনোভাৱ দেখি ডাঙৰ পৰ্দাত নিজৰ শক্তিশালী উপস্থিতিৰে তেওঁ পুনৰবাৰ গৰ্জন কৰিবলৈ সাজু হৈছে।
২০২২ চনত মুক্তি পোৱা কানাড়া ছবি ‘কান্তৰা’ই লোককথা আৰু গ্ৰাম্য সংস্কৃতিৰ গভীৰতা স্পৰ্শ কৰি সমগ্ৰ দেশৰ দৰ্শকৰ হৃদয় জয় কৰিছিল। সীমিত বাজেটত নিৰ্মিত এই ছবিখনে প্ৰচণ্ড ধন উপাৰ্জন কৰাই নহয়, চিনেমাত মৌলিকতাৰ নিদৰ্শন দাঙি ধৰিলে। এই ছবিখনৰ প্ৰযোজক, পৰিচালক আৰু মুখ্য অভিনেতা ঋষভ শ্বেট্টীয়ে তেওঁৰ শক্তিশালী অভিনয়েৰে দৰ্শকক মন্ত্ৰমুগ্ধ কৰি তুলিছিল। এতিয়া যেতিয়া ‘কান্তৰা: অধ্যায় ১’ ঘোষণা কৰা হৈছে, তেতিয়া তেওঁৰ অনুৰাগীসকল নিশ্চিত যে এই প্ৰিক্যুৱেলখনো পূৰ্বৰ ছবিখনৰ দৰেই ব্লকবাষ্টাৰ হিচাপে প্ৰমাণিত হ’ব।
হিন্দুস্থান সমাচাৰ / মনোজ কুমাৰ শইকীয়া
