বৰ্তমান কাৰ্তিক আৰিয়ান আৰু শ্ৰী লীলাৰ আগন্তুক ৰোমান্টিক-সংগীতিক ছবিৰ বাবে বাতৰিৰ শিৰোনাম। এতিয়া ছবিখনৰ সন্দৰ্ভত এটা ডাঙৰ আপডেট ওলাইছে, যাৰ নাম হৈছে তু মেৰী জিন্দগী হেয়। অনুৰাগ বসুৰ পৰিচালনাত ২০২৬ চনৰ মে’ মাহত মুক্তি পাব লগা ছবিখনৰ শ্বুটিং বৰ্তমান মুম্বাইত চলি আছে আৰু ২০২৫ চনৰ ডিচেম্বৰৰ ভিতৰত শেষ হোৱাৰ সম্ভাৱনা আছে।
দীৰ্ঘদিন ধৰি এই ছবিখন আচিকি ফ্ৰেঞ্চাইজিৰ তৃতীয় কিস্তি হ’ব বুলি জল্পনা-কল্পনা চলি আছিল যদিও প্ৰযোজকসকলে এই কথা কেতিয়াও নিশ্চিত কৰা নাছিল। এতিয়া ছবিখনৰ শিৰোনাম প্ৰকাশ পোৱাৰ লগে লগে এক সূত্ৰই প্ৰকাশ কৰিছে যে প্ৰযোজক ভূষণ কুমাৰে ছবিখনক নতুন আৰু বেলেগ পোহৰত উপস্থাপন কৰিব বিচাৰিছে। তেওঁ নিবিচাৰে যে ইয়াক কোনো ধৰণে আশিকি ছিৰিজৰ সৈতে জড়িত কৰা হওক।
সূত্ৰটোৱে আৰু কয় যে, কাৰ্তিক আৰু শ্ৰীলীলা অভিনীত এই ছবিখন হ’ব এখন ক্লাছিক প্ৰেম কাহিনী। ইয়াৰ মুক্তিৰ বাবে এতিয়াও ছমাহৰ অলপ বেছি সময় বাকী আছে। বৰ্তমান মুম্বাইত শ্বুটিং চলি আছে আৰু ২০২৫ চনৰ ডিচেম্বৰৰ ভিতৰত সম্পূৰ্ণ হ’ব।
তু মেৰী জিন্দগী হায় ছবিখন ২০২৬ চনৰ ১ মে’ত চিনেমাগৃহত মুক্তি পাব বুলি চৰ্চা চলিছে যদিও প্ৰযোজকসকলে এতিয়াও এই কথা আনুষ্ঠানিকভাৱে নিশ্চিত কৰিব পৰা নাই। মন কৰিবলগীয়া যে ১৯৯০ চনত মুক্তি পোৱা আচিকি আৰু ২০১৩ চনত মুক্তি পোৱা আচিকি ২ দুয়োটা দৰ্শকৰ মাজত জনপ্ৰিয় হৈয়েই আছে।
हिन्दुस्थान समाचार / মনোজ কুমাৰ শইকীয়া
