নতুন দিল্লী, ১৫ জুলাই (হি.স.)। ষ্ট্ৰ’ আৰু খাদ্য পাত্ৰ নিৰ্মাণ কোম্পানী গ্লেন ইণ্ডাষ্ট্ৰীজৰ শ্বেয়াৰে আজি শ্বেয়াৰ বজাৰত শক্তিশালী প্ৰৱেশ কৰি আই পি অ’ বিনিয়োগকাৰীসকলক সুখী কৰি তুলিছে। আই পি অ’ৰ অধীনত কোম্পানীটোৰ শ্বেয়াৰ ৯৭ টকাৰ মূল্যত জাৰি কৰা হৈছিল। আজি বি এছ ইৰ ক্ষুদ্ৰ আৰু মজলীয়া উদ্যোগৰ প্লেটফৰ্মত ৬১.৮৬ শতাংশ প্ৰিমিয়ামৰ সৈতে ১৫৭ টকাত তালিকাভুক্ত কৰা হৈছে। তালিকাভুক্ত হোৱাৰ পিছত ক্ৰয় আৰম্ভ হোৱাৰ বাবে কোম্পানীটোৰ শ্বেয়াৰ কম সময়ৰ ভিতৰতে ১৬৪.৮৫ টকাৰ উচ্চ চাৰ্কিট স্তৰলৈ জপিয়াই পৰে। এইদৰে কোম্পানীটোৰ আই পি অ’ বিনিয়োগকাৰীসকলে ব্যৱসায়ৰ প্ৰথম দিনটোতেই ৬৯.৯৫ শতাংশ লাভ কৰিছে।
গ্লেন ইণ্ডাষ্ট্ৰীজৰ ৬৩.০২ কোটি টকাৰ আইপিঅ’ ৮ৰ পৰা ১০ জুলাইৰ ভিতৰত চাবস্ক্ৰিপচনৰ বাবে মুকলি আছিল। এই আইপিঅ’ই বিনিয়োগকাৰীৰ পৰা প্ৰচণ্ড সঁহাৰি লাভ কৰিছিল, যাৰ বাবে ইয়াক সামগ্ৰিকভাৱে ২৬০.২৮ গুণ চাবস্ক্ৰাইব কৰা হৈছিল। এইবোৰত যোগ্য প্ৰতিষ্ঠানিক ক্ৰেতা (কিউআইবি)ৰ বাবে সংৰক্ষিত অংশ ১৯২.৪৬ বাৰ চাবস্ক্ৰাইব কৰা হৈছিল। একেদৰে অপ্ৰতিষ্ঠানিক বিনিয়োগকাৰী (এন আই আই)ৰ বাবে সংৰক্ষিত অংশই ৪৭৬.২৫ গুণ চাবস্ক্ৰিপচন লাভ কৰে। ইয়াৰ উপৰিও খুচুৰা বিনিয়োগকাৰীৰ বাবে সংৰক্ষিত অংশ ২২৫.১৫ বাৰ চাবস্ক্ৰাইব কৰা হৈছিল। কিন্তু কোম্পানীটোৰ কৰ্মচাৰীসকলৰ বাবে সংৰক্ষিত অংশই সম্পূৰ্ণ চাবস্ক্ৰিপচন লাভ কৰিব নোৱাৰিলে। কৰ্মচাৰীৰ শ্বেয়াৰ মাত্ৰ ০.৩৬ বাৰহে চাবস্ক্ৰাইব কৰা হৈছিল। এই আই পি অ’ৰ অধীনত ১০ টকাৰ মুদ্ৰা মূল্যৰ ৬৪,৯৬,৮০০ টা নতুন শ্বেয়াৰ জাৰি কৰা হৈছে। আই পি অ’ৰ জৰিয়তে সংগ্ৰহ কৰা ধন কোম্পানীটোৱে নিজৰ নতুন উৎপাদন সুবিধা স্থাপন, কাৰ্য্যকৰী মূলধনৰ প্ৰয়োজনীয়তা পূৰণ আৰু সাধাৰণ কৰ্পৰেট উদ্দেশ্যত ব্যৱহাৰ কৰিব।
কোম্পানীটোৰ আৰ্থিক অৱস্থাৰ কথা ক’বলৈ গ’লে প্ৰস্পেক্টচত কৰা দাবী অনুসৰি ইয়াৰ আৰ্থিক স্বাস্থ্য অহৰহ শক্তিশালী হৈ আহিছে। ২০২২-২৩ বিত্তীয় বৰ্ষত কোম্পানীটোৰ নিকা লাভ ১.৪৯ কোটি টকা, যিটো পৰৱৰ্তী বিত্তীয় বৰ্ষ ২০২৩-২৪ত ৮.৫৮ কোটি টকালৈ বৃদ্ধি পাই ২০২৪-২৫ চনত ১৮.২৭ কোটি টকালৈ জপিয়াই পৰে। এই সময়ছোৱাত কোম্পানীটোৰ ৰাজহ বছৰি ১৯ শতাংশতকৈ অধিক চক্রবৃদ্ধি বাৰ্ষিক বৃদ্ধিৰ হাৰত বৃদ্ধি পাই ১৭১.২৮ কোটি টকা হয়৷
हिन्दुस्थान समाचार / মনোজ কুমাৰ শইকীয়া
